Engineers Day 2021: इंजिनीअरिंग पदवी घेतलेल्या अनेक खेळाडूंनी भारतीय संघाकडून कारकिर्द, यादीत चकित करणारी नावे

15 सप्टेंबर 1862 रोजी जन्मलेल्या सिव्हिल इंजिनिअर सर एम. विश्वेश्वरय्या (Sir Mokshagundam Visvesvaraya) यांच्या जयंतीनिमित्त भारत (India), श्रीलंका (Sri Lanka) आणि टांझानिया देशभरात नामांकित इंजिनिअरचा वाढदिवस साजरा करतात. ज्या देशात क्रिकेट आणि अभियांत्रिकी दोन्ही साजरे होतात, तेथे काही भारतीय क्रिकेटपटूही आहेत ज्यांनी इंजीनिअरींगची पदवी घेत भारतीय क्रिकेट संघाकडून कारकिर्द घडवली आहे. असे मानले जाते की इंजीनिअरचे जागतिक स्तरावर काही सर्जनशील विचार असतात आणि भारतात असे अनेक प्रतिभावान इंजीनिअर आहे. आजवर अनेक खेळाडूंनी जागतिक स्तरावर भारतीय संघाचे प्रतिनिधित्व केले आहे. बहुतेक क्रिकेटपटू अगदी लहानपणापासूनच खेळावर पूर्णपणे लक्ष केंद्रित करतात, तर काहींनी क्रिकेटमध्ये महत्वाकांक्षा कायम ठेवून उच्च शिक्षण देखील घेतले आहेत. आज इंजिनीअर्स दिवसानिमित्त (Engineers Day) आपण अशाच काही खेळाडूंबद्दल जाणून घेणार आहोत ज्यांनी अभियांत्रिकी पदवी पूर्ण केल्यानंतर टीम इंडियाचे (Team India) प्रतिनिधित्व केले आहे. (Engineers Day 2021 in India: भारतात कधी आणि का साजरा केला जातो अभियंता दिन? जाणून घ्या या दिवसाची संपूर्ण माहिती)

अनिल कुंबळे (Anil Kumble)

आंतरराष्ट्रीय क्रिकेटच्या इतिहासातील सर्वात यशस्वी फिरकी गोलंदाजांपैकी एक कुंबळे यांत्रिक अभियांत्रिकीमध्ये बीई पदवीधर आहेत. लेग स्पिन गोलंदाजाने 1991-92 मध्ये बेंगलोरच्या राष्ट्रीय विद्यालय कॉलेज ऑफ इंजिनीअरिंगमधून पदवी प्राप्त केली. लक्षात घेण्यासारखे आहे की कुंबळेने 1990 मध्ये पहिला कसोटी आणि वनडे सामना खेळला होता. मात्र कुंबळेने आपल्या अभियांत्रिकीच्या महत्त्वाकांक्षाना मागे ठेवले आणि त्याने एक उत्कृष्ट क्रिकेट कारकीर्द गाजवली ज्यात एक दुर्मिळ पराक्रम गाजवत कुंबळे कसोटी सामन्याच्या डावात सर्व दहा विकेट्स घेणारा पहिला भारतीय आणि फक्त दुसरा गोलंदाज ठरला.

इरापल्ली प्रसन्ना (Erapalli Prasanna)

बी एस चंद्रशेखर, एस वेंकटराघवन आणि बिशेन सिंह बेदी यांच्यासह एकत्रित; इरापल्ली प्रसन्ना यांनी 1960 आणि 1970 च्या दशकात भारतीय फिरकीपटूंची चौकडी तयार केली. पण त्यापूर्वी त्यांनी म्हैसूरच्या राष्ट्रीय अभियांत्रिकी संस्थेतून अभियांत्रिकी पदवी मिळवली होती. प्रसन्ना 1962 ते 1978 पर्यंत भारतीय संघाकडून खेळले. या दरम्यान त्यांनी 49 कसोटी सामन्यांत देशाचे प्रतिनिधित्व केले आणि 189 विकेट घेतल्या.

कृष्णमाचारी श्रीकांत (Krishnamachari Srikanth)

1980 च्या दशकातील चमकदार फलंदाज, कृष्णमाचारी श्रीकांतने चेन्नईच्या गुंडी कॉलेज ऑफ इंजिनिअरींग  बी.ई. इलेक्ट्रिकल इंजिनिअरिंगची पदवी शिक्षा पूर्ण केली. जरी ते महाविद्यालयीन जीवनात क्रिकेट खेळले असले तरी कसोटी क्रिकेटपटू बनू शकतात हे त्यांना शेवटच्या वर्षापूर्वी समजले नाही. 1983 विश्वचषक अंतिम सामन्यात वेस्ट इंडीजविरुद्ध भारताच्या विजयात सर्वाधिक धावा करणारा म्हणून त्याची सर्वात महत्त्वपूर्ण कामगिरी बजावली.

जवगल श्रीनाथ (Javagal Srinath)

श्रीनाथने 90 च्या दशकात भारताच्या वेगवान गोलंदाजीचे नेतृत्व केले आणि त्यांच्या काळातील प्रमुख वेगवान गोलंदाजांपैकी म्हणून ओळखले गेले. श्रीनाथ यांनी 229 वनडे सामन्यात त्याने 315 विकेट्स घेतल्या. सध्याच्या अनेक गोलंदाजांनी श्रीनाथला वेगवान गोलंदाजी करण्याची प्रेरणा म्हणून गौरवले आहे. तथापि, त्यांनी म्हैसूरच्या श्री जयचमराजेंद्र अभियांत्रिकी महाविद्यालयातून इंस्ट्रुमेंटेशन टेक्नॉलॉजीमध्ये बीई पदवी घेतल्यानंतर अभियंता म्हणून काम करण्याचा निर्णय घेतला असता तर त्यापैकी काहीही शक्य झाले नसते.

रविचंद्रन अश्विन (Ravichandran Ashwin)

अश्विन भारताच्या 2011 वर्ल्ड कप विजयी संघाचा सदस्य होता. तामिळनाडू खेळाडू मैदानावर झपाट्याने विकेट्स घेण्यासाठी ओळखला जातो, परंतु जर त्याने आयटी व्यावसायिक म्हणून काम केले असल्यास भारताचे प्रतिनिधित्व कधीच केले नसते. SSN कॉलेज ऑफ इंजिनीअरिंग, चेन्नई येथून माहिती तंत्रज्ञानात बी.टेक पदवी घेतल्यानंतर अश्विन एका सॉफ्टवेअर कंपनीत रुजू झाला. तथापि, किंग्ज इलेव्हन पंजाबच्या माजी कर्णधाराने ते मैदान सोडले आणि आज तो क्रिकेटच्या इतिहासातील अव्वल ऑफस्पिनर बनला आहे.

श्रीनिवासराघवन वेंकटराघवन (Srinivasaraghavan Venkataraghavan)

या यादीत स्थान मिळवणारा वेंकटराघवन तिसरे ऑफ स्पिन गोलंदाज आहे. आता 76 वर्षीय माजी खेळाडूने भारतीय संघासाठी 72 आंतरराष्ट्रीय सामने खेळले आणि 161 विकेट्स घेतल्या. भारतीय क्रिकेटमधील फिरकीपटूंच्या सुवर्णयुगाचा एक भाग, वेंकटरघवनने चेन्नईच्या गिंडी येथील अभियांत्रिकी महाविद्यालयातून अभियांत्रिकी पदवी पूर्ण केली. निवृत्तीनंतर प्रथम श्रेणी, कसोटी आणि वनडे सामने खेळत दोन दशकांहून अधिक काळ घालवल्यानंतर ते आयसीसीच्या पंचांच्या एलिट पॅनेलचे सदस्य बनले.