CSK vs GT, Qualifier 1: आज चेन्नई आणि गुजरात टायटन्स यांच्यात होणार चुरशीची लढत, सर्वांच्या नजरा या बलाढ्य खेळाडूंवर
हा सामना जिंकणारा संघ अंतिम फेरीत प्रवेश करेल.
आयपीएल 2023 म्हणजेच (IPL 2023) इंडियन प्रीमियर लीगच्या 16व्या हंगामातील क्वालिफायर-1 काही तासांनंतर चेन्नईतील चेपॉक मैदानावर (Chepauk Stadium) खेळवला जाणार आहे. या महत्त्वाच्या सामन्यात गुजरात टायटन्स आणि चेन्नई सुपर किंग्ज (CSK vs GT) यांच्यात सामना होणार आहे. हार्दिक पांड्याच्या (Hardik Pandya) नेतृत्वाखाली टायटन्सची नजर सलग दुसऱ्या विजेतेपदावर आहे, त्यानंतर एमएस धोनी (MS Dhoni) सीएसकेला 5 वे विजेतेपद मिळवून देण्याच्या दिशेने पाऊल टाकेल. हा सामना जिंकणारा संघ अंतिम फेरीत प्रवेश करेल. त्याचबरोबर पराभूत होऊनही दुसऱ्या संघाचा प्रवास संपणार नाही. त्याला अंतिम फेरीत प्रवेश करण्याची आणखी एक संधी असेल.
हेड टू हेड
दरम्यान, दोन्ही संघाच्या हेड टू हेड बद्दल बोलयचे झाले तर दोन्ही संघांमध्ये आतापर्यंत एकूण तीन सामने झाले आहेत. गुजरातने तीनही वेळा विजय मिळवला. हे सामने ब्रेबॉर्न, वानखेडे आणि नरेंद्र मोदी स्टेडियमवर खेळवण्यात आले. त्याचवेळी चेपॉक स्टेडियमवर दोन्ही संघ प्रथमच आमनेसामने असतील. (हे देखील वाचा: CSK vs GT, Qualifier 1: चेपॉकमध्ये चेन्नईला आव्हान देणार गुजरात, खेळपट्टीच्या अहवालावरून जाणून घ्या कोण आहे कोणावर भारी)
सर्वांच्या नजरा असतील या खेळाडूंवर
ऋतुराज गायकवाड
ऋतुराज गायकवाड सीएसकेचा सलामीवीर आहे. ऋतुराज गायकवाडने आतापर्यंत 13 सामन्यात 504 धावा केल्या आहेत. यादरम्यान ऋतुराज गायकवाडने आतापर्यंत 3 अर्धशतके झळकावली आहेत. या सामन्यातही तो मोठी धावसंख्या करू शकतो.
अजिंक्य रहाणे
अजिंक्य रहाणे हा अतिशय अनुभवी सलामीवीर आहे. या मोसमातील पहिला सामना खेळताना अजिंक्य रहाणेने 61 धावांची उत्कृष्ट खेळी केली. या सामन्यातही तो चांगली कामगिरी करू शकतो.
मोईन अली
शिवम दुबे बद्दल बोलायचे तर शिवम दुबेने आतापर्यंत मधल्या फळीत चांगली कामगिरी केली आहे. त्याने 33 षटकार मारले आहेत. तर त्याने 13 सामन्यात 385 धावा केल्या आहेत. या सामन्यातही शिवम दुबे चांगली कामगिरी करू शकतो.
रवींद्र जडेजा
रवींद्र जडेजा चेन्नई सुपर किंग्ज संघाचा अनुभवी ऑफ-स्पिन गोलंदाजी अष्टपैलू खेळाडू आहे. रवींद्र जडेजाने या स्पर्धेत आतापर्यंत 17 विकेट घेतल्या असून 153 धावा केल्या आहेत. या सामन्यातही रवींद्र जडेजा चांगली कामगिरी करू शकतो.
रशीद खान
अनुभवी फिरकी गोलंदाज राशिद खानने आतापर्यंत 14 सामन्यांत चमकदार कामगिरी करत 24 बळी घेतले आहेत. यादरम्यान राशिद खानने 95 धावा केल्या आहेत. राशिद खान या सामन्यातही गोंधळ घालू शकतो.
हार्दिक पंड्या
अनुभवी अष्टपैलू हार्दिक पांड्याने या स्पर्धेत आतापर्यंत 289 धावा केल्या आहेत आणि 3 बळी घेतले आहेत. या सामन्यातही तो बॅट आणि बॉल या दोन्ही बाबतीत चांगली कामगिरी करू शकतो.
नूर अहमद
अफगाणिस्तानच्या या गोलंदाजाने या मोसमात आतापर्यंत खेळलेल्या 10 सामन्यात 13 बळी घेतले आहेत. या सामन्यात नूर अहमदचाही संघात समावेश होऊ शकतो.
शुभमन गिल
शुभमन गिल हा गुजरात टायटन्स संघाचा सलामीचा फलंदाज आहे. शुभमन गिलने आतापर्यंत 14 सामन्यांत शानदार फलंदाजी करताना 680 धावा केल्या आहेत. तसेच त्याने सलग शतक ठोकले आहे. या सामन्यातही शुभमन गिल फलंदाजीने चांगली खेळी करू शकतो.
मोहम्मद शमी
गुजरात टायटन्सचा अनुभवी गोलंदाज मोहम्मद शमीने आतापर्यंत या स्पर्धेत चांगली कामगिरी केली आहे. मोहम्मद शमीने आतापर्यंत 24 विकेट घेतल्या आहेत.