IND vs AUS 4th Test 2024 Day 2: यशस्वी जैस्वालच्या विकेटवर उडाला गोंधळ, दोन माजी भारतीय दिग्गज भिडले एकमेकांशी
विराट कोहली आणि जैस्वाल यांच्यात शतकी भागीदारी पाहायला मिळाली, मात्र धावा काढताना झालेल्या गैरसमजामुळे जेस्वालला आपली विकेट गमवावी लागली.
Australian Men's Cricket Team vs India National Cricket Team: मेलबर्न कसोटीच्या दुसऱ्या दिवसअखेर निम्मा भारतीय संघ पॅव्हेलियनमध्ये परतला. टीम इंडिया पुन्हा एकदा बॅकफूटवर दिसत आहे. दुसऱ्या दिवशी यशस्वी जैस्वालने अप्रतिम फलंदाजी दाखवली, जैस्वाल अप्रतिम फॉर्ममध्ये दिसत होता आणि त्याच्या शतकाच्या अगदी जवळ होता. विराट कोहली आणि जैस्वाल यांच्यात शतकी भागीदारी पाहायला मिळाली, मात्र धावा काढताना झालेल्या गैरसमजामुळे जेस्वालला आपली विकेट गमवावी लागली. आता जैस्वाल यांच्या रनआउटवरून गदारोळ होताना दिसत आहे. याबाबत टीम इंडियाचे माजी दिग्गज इरफान पठाण आणि संजय मांजरेकर एकमेकांशी भांडताना दिसले. ज्याचा व्हिडिओ सोशल मीडियावरही वेगाने व्हायरल होत आहे.
दोन्ही माजी दिग्गजमध्ये झाला वाद
वास्तविक संजय मांजरेकर म्हणाले की, यशस्वी जैस्वालच्या विकेटमध्ये कुठेतरी विराट कोहलीची चूक होती. तो म्हणाले, “विराट कोहली चेंडू पाहत होता, नॉन स्ट्रायकरने नेहमी फलंदाजाकडे लक्ष दिले पाहिजे. ही स्पष्टपणे विराट कोहलीची चूक होती. मात्र, यात विराटची चूक नसल्याचे इरफान पठाणचे मत होते. मॅचनंतर लाईव्ह शो दरम्यान या दोन दिग्गजांमध्ये हा वाद पाहायला मिळाला. ज्याचा व्हिडिओ चांगलाच व्हायरल होत आहे.
हे देखील वाचा: IND vs AUS 4th Test 2024: सचिन तेंडुलकरचा मोठा विक्रम मोडला, बीजीटीमध्ये पहिल्यांदाच घडला 'हा' पराक्रम
टीम इंडिया बॅकफूटवर आली
ऑस्ट्रेलियाने पहिल्या डावात 474 धावा केल्या होत्या. त्यानंतर, मेलबर्न कसोटीच्या दुसऱ्या दिवसअखेर त्यांनी 5 विकेट गमावून 164 धावा केल्या होत्या. दुसऱ्या दिवशी भारताकडून फलंदाजी करताना यशस्वी जैस्वालने सर्वाधिक 82 धावांची खेळी केली. याशिवाय विराट कोहली 34 धावा करून बाद झाला. टीम इंडियाची टॉप ऑर्डर पुन्हा एकदा फ्लॉप झाली. भारतीय संघ अजूनही 310 धावांनी मागे आहे.