Shakib Al Hasan: भारताविरुद्धच्या कसोटी मालिकेपूर्वी शकिब अल हसनने केला कहर, एकट्याने घेतल्या 9 विकेट
शाकिबने सरेकडून खेळताना सॉमरसेटविरुद्ध 9 विकेट्स घेतल्या होत्या. या लेफ्ट आर्म स्पिनरने टाँटनमध्ये पहिल्या इनिंगमध्ये 4 विकेट्स घेतल्या होत्या आणि दुसऱ्या इनिंगमध्ये त्याला 5 विकेट्स घेण्यात यश आले.
IND vs BAN Test Series 2024: बांगलादेशचा महान अष्टपैलू खेळाडू शकीब अल हसन (Shakib Al Hasan) टीम इंडियाविरुद्धच्या कसोटी मालिकेपूर्वी जबरदस्त फॉर्ममध्ये आला आहे. शाकिब अल हसनने इंग्लंडमध्ये सुरू असलेल्या काउंटी चॅम्पियनशिपमध्ये धुमाकूळ घातला आहे. शाकिबने सरेकडून खेळताना सॉमरसेटविरुद्ध 9 विकेट्स घेतल्या होत्या. या लेफ्ट आर्म स्पिनरने टाँटनमध्ये पहिल्या इनिंगमध्ये 4 विकेट्स घेतल्या होत्या आणि दुसऱ्या इनिंगमध्ये त्याला 5 विकेट्स घेण्यात यश आले. शकीब अल हसनने या क्षणी आपला फॉर्म अप्रतिम असल्याचे सिद्ध केले असून ही बातमी टीम इंडियासाठी अजिबात चांगली नाही. (हे देखील वाचा: IND vs BAN Test Series 2024: रोहित शर्मा आणि यशस्वी जैस्वालची एकाच विक्रमाकडे नजर, बांगलादेशविरुद्ध कोण बनणार 'बादशाह'?)
टीम इंडियाचा वाढणार ताण
शाकिब अल हसनचे फॉर्ममध्ये येणे ही टीम इंडियासाठी वाईट बातमी आहे कारण बांगलादेशविरुद्धच्या कसोटी मालिकेतील दोन्ही सामने खेळपट्टी स्पिनर्सना मदत करणाऱ्या ठिकाणी होणार आहेत. पहिला सामना चेन्नईत तर दुसरा सामना कानपूरमध्ये होणार आहे. मात्र, भारताविरुद्ध शाकिबची कामगिरी तितकीशी चांगली झालेली नाही. त्याला 8 कसोटीत केवळ 21 विकेट घेता आल्या आहेत. शाकिबने भारतात फक्त एकच कसोटी खेळली असून त्याला फक्त 2 बळी घेता आले आहेत. पण टीम इंडियाचे खेळाडू डावखुऱ्या फिरकीपटूंविरुद्ध झुंजताना दिसतात हे तुम्हाला मान्य करावे लागेल. शकीब याआधी पाकिस्तान दौऱ्यावर गेला होता जिथे त्याने पाच विकेट घेतल्या होत्या.
भारताविरुद्धच्या कसोटी मालिकेसाठी बांगलादेश संघ
नजमुल हसन शांतो (कर्णधार), झाकीर हसन, शादमान इस्लाम, मोमिनुल हक, मुशफिकुर रहमान, महमुदुल हसन जॉय, लिटन दास (विकेटकीपर), झाकेर अली (विकेटकीपर), नईम हसन, शकीब अल हसन, मेहदी हसन मिराज, तैजुल इस्लाम, तस्किन अहमद, हसन महमूद, सय्यद खालिद अहमद, नाहिद राणा.