Nigeria Boat Accident: नायजेरियात लग्नाच्या पाहुण्यांना घेऊन जाणारी बोट उलटली; तब्बल 105 जणांचा मृत्यू- Reports

नायजेरियामधून एका मोठ्या अपघाताची बातमी समोर येत आहे. उत्तर नायजेरियात लग्नाहून परतणाऱ्या रहिवाशांना घेऊन जाणारी बोट उलटून सुमारे 105 लोक ठार झाले आहे. पोलीस आणि स्थानिक रहिवाशांनी मंगळवारी याबाबत माहिती दिली. या अपघातामध्ये वाचलेल्या लोकांचा शोध घेण्यासाठी युद्धपातळीवर प्रयत्न सुरु आहेत. नायजर राज्याजवळील क्वारा राज्यातील नायजर नदीवर सोमवारी पहाटे बोट उलटली, असे पोलीस प्रवक्ते ओकासान्मी अजयी यांनी सांगितले. नायजर राज्यातील एग्बोटी गावात रात्रभर चाललेला हा लग्न समारंभ संपवून पिडीत लोक परतत होते, त्यावेळी हा अपघात घडला. हा अपघात साधारण पहाटे 3 वाजता घडल्यामुळे अनेक तास घटनेची माहिती मिळू शकली नाही.

मंगळवारी दुपारपर्यंत, अधिकारी आणि स्थानिक नदीत मृतदेह शोधत होते. नायजेरियामध्ये अनेकदा खराब असतात त्यामुळे येथे नदीतून वाहतूक आणि व्यापार सामान्य आहे. नायजेरियात अनेक ठिकाणी स्थानिकरित्या बनवलेल्या जहाजांचा वापर सामान्यतः वाहतुकीसाठी केला जातो. बहुतेक अपघात हे ओव्हरलोडिंग आणि खराब देखभाल केलेल्या बोटींच्या वापरामुळे होतात. (हेही वाचा:  न्यूयॉर्कच्या लॉकपोर्ट गुहेच्या आत 36 पर्यटक असलेली बोट उलटली; 12 लोकांना वाचवण्यात यश)

('सोशली' (SocialLY) हे आपल्यासाठी ट्विटर, इन्स्टाग्राम आणि यूट्यूब अशा सोशल मीडिया जगातील ताज्या ब्रेकिंग न्यूज, व्हायरल ट्रेंड व माहिती घेऊन येते. वृत्तात एम्बेड केलेली पोस्ट यूजर्सच्या सोशल मीडिया अकाऊंटमधून थेट एम्बेड करण्यात आली आहे. लेटेस्टलीच्या कर्मचाऱ्याने अथवा लेखकाने त्याचे संपादन किंवा त्यात सुधारणा केलेली नाही. सदर पोस्टमधील वस्तुस्थिती, प्रतिक्रियामधून लेटेस्टलीची मते प्रतिबिंबित होत नाहीत. तसेच या मजकूराची जबाबदारी अथवा उत्तरदायीत्व लेटेस्टली स्वीकारत नाही.)

Show full article