Virat Kohli Biggest Fan: चाहता असावा तर असा, विराट कोहलीच्या चाहत्याने केले असे काही जे पाहून तुम्हीही व्हाल अवाक!

Virat Kohli: भारतीय राष्ट्रीय क्रिकेट संघाचा माजी कर्णधार विराट कोहलीचे (Virat Kohli) जगभरात चाहते आहेत. तर भारतात विराट कोहलीचे चाहते त्याच्यासाठी कोणत्याही थराला जायला तयार आहेत. असाच काहीसा प्रकार कोहलीच्या एका बिहारी चाहत्याने केला आहे. बिहारमधील एका शालेय विद्यार्थ्याचा बोर्ड परीक्षेचा पेपर सोशल मीडियावर मोठ्या प्रमाणात व्हायरल होत आहे. यामध्ये विद्यार्थ्याने आपले नाव 'विराट कोहली' असे नमूद केले असून त्याच्या आई-वडिलांचे नावही कोहली असल्याचे सांगितले आहे. या मार्कशीटमध्ये विद्यार्थ्याने त्याचे नाव विराट कोहली, आईचे नाव सरोज कोहली, वडिलांचे नाव प्रेमनाथ कोहली आणि शाळेचा कोड '18 RCB' लिहिला आहे. विराट कोहलीच्या जर्सीचा क्रमांक 18 आहे. विराट कोहली आयपीएलमध्ये आरसीबीकडून खेळतो, म्हणून विद्यार्थ्याने परीक्षेत त्याच्या वर्गाचे नाव 'आरसीबी' असे लिहिले आहे. रोल क्रमांक 18 आहे आणि कोहली आरसीबीसाठी डाव उघडत असताना शिफ्टऐवजी ओपनिंग लिहिले आहे.