GT vs LSG, Live Score Update: गुजरातने लखनौला दिले 228 धावांचे लक्ष्य, शुभमन गिल आणि रिद्धिमान साहाची झंझावाती अर्धशतकीय खेळी
आयपीएलच्या 16व्या हंगामात दोन्ही संघ पुन्हा एकदा आमनेसामने येणार आहेत.
इंडियन प्रीमियर लीगच्या 16व्या हंगामातील 51वा सामना आज गुजरात टायटन्स आणि लखनौ सुपर जायंट्स यांच्यात खेळला जात आहे. गुजरातचे होम ग्राऊंड असलेल्या नरेंद्र मोदी स्टेडियमवर दोन्ही संघांमधील हा सामना खेळला जात आहे. आयपीएलच्या 16व्या हंगामात दोन्ही संघ पुन्हा एकदा आमनेसामने येणार आहेत. गेल्या सामन्यात गुजरात टायटन्सने 7 धावांनी विजय मिळवला होता. त्याचवेळी लखनौला गुजरात टायटन्सला आपल्या घरच्या मैदानावर पराभूत करून पराभवाचा बदला घ्यायचा आहे. या सामन्यात दोन्ही संघांमध्ये चुरशीची लढत होणार आहे. दरम्यान, लखनौ सुपर जायंट्सचा कर्णधार कृणाल पंड्याने नाणेफेक जिंकून प्रथम फलंदाजी करण्याचा निर्णय घेतला. नाणेफेक हारल्यानंतर गुजरात टायटन्सच्या संघाने प्रथम फलंदाजी करताना निर्धारित 20 षटकात 2 गडी गमावून 227 धावा केल्या. गुजरात टायटन्ससाठी सलामीवीर शुभमन गिलने नाबाद 94 धावांची सर्वोच्च खेळी खेळली. लखनौ सुपर जायंट्सकडून मोहसीन खान आणि आवेश खान यांनी प्रत्येकी एक विकेट घेतली. लखनौ सुपर जायंट्स संघाला हा सामना जिंकण्यासाठी 20 षटकात 228 धावा करायच्या आहेत.