RCB vs RR IPL 2022: राजस्थान रॉयल्सने केला रॉयल चॅलेंजर्स बंगळुरूचा 29 धावांनी पराभव; 12 गुणांसह संघ गुणतालिकेत अव्वल स्थानावर

रियान परागच्या झंझावाती अर्धशतकानंतर गोलंदाजांनी केलेल्या चमकदार कामगिरीच्या जोरावर राजस्थान रॉयल्सने रॉयल चॅलेंजर्स बंगळुरूचा 29 धावांनी पराभव केला. आयपीएल 2022 (IPL) मधील राजस्थानचा हा सहावा विजय आहे. संजू सॅमसनच्या नेतृत्वाखालील राजस्थान संघ आठ सामन्यांत 12 गुणांसह गुणतालिकेत अव्वल स्थानावर पोहोचला आहे. यासह रॉयल चॅलेंजर्सचा नऊ सामन्यांमधील हा सहावा पराभव आहे.

राजस्थानने दिलेल्या 145 धावांच्या लक्ष्य गाठताना आरसीबी संघ 19.3 षटकांत केवळ 115 धावाच करू शकला. त्याच्याकडून कर्णधार फाफ डू प्लेसिसने सर्वाधिक 23 धावा केल्या. विराट कोहलीला सलामीला पाठवण्याचा आरसीबीचा निर्णय योग्य ठरला नाही. कोहली 9 धावा करून पॅव्हेलियनमध्ये परतला.

 

View this post on Instagram

 

A post shared by IPL (@iplt20)