CSK vs RR, IPL 2023 Live Score Update: बटलरच्या अर्धशतकाच्या जोरावर राजस्थान रॉयल्सने चेन्नई सुपर किंग्जसमोर ठेवले 176 धावांचे लक्ष्य
नाणेफेक हारल्यानंतर राजस्थान रॉयल्स संघ प्रथम फलंदाजीसाठी उतरला आणि निर्धारित 20 षटकात 8 गडी गमावून 175 धावा केल्या.
आज इंडियन प्रीमियर लीगच्या 16व्या हंगामातील 17 वा सामना चेन्नई सुपर किंग्ज आणि राजस्थान रॉयल्स यांच्यात खेळला जात आहे. हा सामना चेन्नईच्या एमए चिदंबरम स्टेडियमवर खेळला जात आहे. जर राजस्थान रॉयल्सने हा सामना जिंकला तर ते पॉइंट टेबलमध्ये पहिले स्थान मिळवेल. त्याचबरोबर धोनीच्या संघालाही विजय मिळवून गुणतालिकेत पहिल्या दोनमध्ये पोहोचण्याची चांगली संधी आहे. दरम्यान, चेन्नई सुपर किंग्जचा कर्णधार एमएस धोनीने नाणेफेक जिंकून प्रथम गोलंदाजी करण्याचा निर्णय घेतला आहे. नाणेफेक हारल्यानंतर राजस्थान रॉयल्स संघ प्रथम फलंदाजीसाठी उतरला आणि निर्धारित 20 षटकात 8 गडी गमावून 175 धावा केल्या. राजस्थान रॉयल्ससाठी सलामीवीर जोस बटलरने सर्वाधिक 52 धावांची तुफानी खेळी खेळली. चेन्नई सुपर किंग्जकडून स्टार अष्टपैलू रवींद्र जडेजा, आकाश सिंग आणि तुषार देशपांडे यांनी सर्वाधिक दोन विकेट घेतल्या आहेत. हा सामना जिंकण्यासाठी चेन्नई सुपर किंग्जला 20 षटकात 176 धावा करायच्या आहेत.