New Zealand Announce Squad For India Tests: भारताविरुद्धच्या कसोटी मालिकेसाठी न्यूझीलंडचा संघ जाहीर, विल्यमसनच्या खेळण्यावर सस्पेन्स

IND vs NZ Test Series 2024: भारताविरुद्ध 16 ऑक्टोबरपासून सुरू होणाऱ्या तीन कसोटी सामन्यांच्या मालिकेसाठी न्यूझीलंडने आपला संघ जाहीर केला आहे. या मालिकेतील पहिल्या सामन्यात केन विल्यमसन खेळू शकणार नाही. श्रीलंकेविरुद्ध नुकत्याच संपलेल्या दोन सामन्यांच्या कसोटी मालिकेदरम्यान विल्यमसनला दुखापत झाली होती. संघाची कमान टॉम लॅथमच्या हाती असेल. याच कारणामुळे किवी संघाने भारताविरुद्धच्या मालिकेसाठी मार्क चॅपमनला संघाचा भाग बनवले आहे. चॅपमनने अद्याप एकही सामना खेळलेला नाही. अष्टपैलू मायकेल ब्रेसवेल देखील पहिल्या कसोटी सामन्यासाठीच उपलब्ध असेल. यानंतर तो मायदेशी परतणार आहे. ब्रेसवेल दुस-यांदा पिता बनणार आहे आणि त्यामुळे मालिकेतील उर्वरित दोन कसोटी सामन्यांसाठी तो उपस्थित राहणार नाही. लेगस्पिनर ईश सोधी संघात त्याची जागा घेणार आहे.

कसोटी मालिकेसाठी न्यूझीलंड संघ

टॉम लॅथम (कर्णधार), टॉम ब्लंडेल (विकेटकीपर), मायकेल ब्रेसवेल (फक्त पहिल्या कसोटीसाठी), मार्क चॅपमन, डेव्हन कॉनवे, मॅट हेन्री, डॅरेल मिशेल, विल ओ'रोर्क, एजाज पटेल, ग्लेन फिलिप्स, रचिन रवींद्र, मिचेल सँटनर, बेन सीयर्स, ईश सोधी (दुसऱ्या आणि तिसऱ्या कसोटीसाठी), टीम साऊदी, केन विल्यमसन, विल यंग.