IPL 2022, MI vs KKR Match 14: सूर्यकुमार यादव-तिलक वर्मा यांचा दमदार शो, मुंबईचे कोलकाता संघाला विजयासाठी 162 धावांचे आव्हान
IPL 2022, MI vs KKR Match 14: मुंबई इंडियन्स फलंदाजांची निराशाजनक कामगिरी तिसऱ्या सामन्यात देखील सुरु राहिली. मुंबईने पहिले फलंदाजी करून निर्धारित 20 षटकांत 4 बाद 161 धावा केल्या आणि कोलकाता नाईट रायडर्स संघासमोर विजयासाठी 162 धावांचे लक्ष्य ठेवले. सूर्यकुमार यादव आणि तिलक वर्मा यांच्यातील अर्धशतकी भागीदारीने संघाला सन्मानजनक धावसंख्येपर्यंत नेले.
IPL 2022, MI vs KKR Match 14: मुंबई इंडियन्स (Mumbai Indians) फलंदाजांची निराशाजनक कामगिरी तिसऱ्या सामन्यात देखील सुरु राहिली. मुंबईने पहिले फलंदाजी करून निर्धारित 20 षटकांत 4 बाद 161 धावा केल्या आणि कोलकाता नाईट रायडर्स (Kolkata Knight Riders) संघासमोर विजयासाठी 162 धावांचे लक्ष्य ठेवले. मुंबईच्या आघाडीचे खेळाडू अपयशी ठरल्यावर सूर्यकुमार यादव (Suryakumar Yadav) आणि तिलक वर्मा (Tilak Varma) यांच्यातील अर्धशतकी भागीदारीने संघाला सन्मानजनक धावसंख्येपर्यंत नेले. सूर्यकुमारने सर्वाधिक 52 धावा केल्या. तर किरॉन पोलार्ड (Kieron Pollard) 5 चेंडूत नाबाद 22 धावा आणि तिलक वर्मा याने नाबाद 38 धावांचे योगदान दिले. याशिवाय अंडर-19 स्टार डेवाल्ड ब्रेविस 29 धावा केल्या. दुसरीकडे, केकेआरकडून पॅट कमिन्सने (Pat Cummins) दोन गडी बाद केले तर उमेश यादव आणि वरुण चक्रवर्ती यांनी प्रत्येकी एक विकेट घेतली.