India Wins U19 Women’s T20 WC Finale 2023: भारताच्या महिला संघाने इतिहास रचला, अंतिम सामन्यात इंग्लंडचा पराभव करुन जिंकला विश्वचषकचा किताब

ICC अंडर-19 T20 महिला विश्वचषक स्पर्धेच्या पहिल्या आवृत्तीत टीम इंडिया आणि इंग्लंड यांच्यात अंतिम सामना खेळला गेला. अंतिम सामन्यात टीम इंडियाने इंग्लंडचा पराभव करत विश्वचषक विजेतेपदावर कब्जा केला. अंडर-19 T20 महिला विश्वचषक स्पर्धेत आतापर्यंतच्या प्रवासात, स्फोटक फलंदाज शेफाली वर्माच्या नेतृत्वाखालील टीम इंडियाला फक्त ऑस्ट्रेलियाविरुद्ध पराभव पत्करावा लागला होता. तत्पूर्वी, टीम इंडियाची कर्णधार शेफाली वर्माने नाणेफेक जिंकून प्रथम गोलंदाजी करण्याचा निर्णय घेतला होता. प्रथम फलंदाजी करताना इंग्लंडचा संघ निर्धारित 17.1 षटकांत अवघ्या 68 धावांत गारद झाला. इंग्लंडकडून रायन मॅकडोनाल्ड गेने सर्वाधिक 19 धावा केल्या. टीम इंडियाकडून टीटा साधू, अर्चना देवी आणि पार्श्वी चोप्रा यांनी प्रत्येकी दोन विकेट घेतल्या. लक्ष्याचा पाठलाग करताना टीम इंडियाने अवघ्या 14 षटकांत 3 गडी गमावून (69) लक्ष्य गाठले. टीम इंडियाकडून सौम्या तिवारीने सर्वाधिक नाबाद 24 धावा केल्या. इंग्लंडकडून अलेक्सा स्टोनहाऊस, हॅना बेकर आणि ग्रेस स्क्रिव्हन्स यांनी प्रत्येकी एक बळी मिळवला.

('सोशली' (SocialLY) हे आपल्यासाठी ट्विटर, इन्स्टाग्राम आणि यूट्यूब अशा सोशल मीडिया जगातील ताज्या ब्रेकिंग न्यूज, व्हायरल ट्रेंड व माहिती घेऊन येते. वृत्तात एम्बेड केलेली पोस्ट यूजर्सच्या सोशल मीडिया अकाऊंटमधून थेट एम्बेड करण्यात आली आहे. लेटेस्टलीच्या कर्मचाऱ्याने अथवा लेखकाने त्याचे संपादन किंवा त्यात सुधारणा केलेली नाही. सदर पोस्टमधील वस्तुस्थिती, प्रतिक्रियामधून लेटेस्टलीची मते प्रतिबिंबित होत नाहीत. तसेच या मजकूराची जबाबदारी अथवा उत्तरदायीत्व लेटेस्टली स्वीकारत नाही.)