IND Beat ENG, 2nd Semi-Final: गतविजेत्या इंग्लंडचा पराभव करत भारताने अंतिम फेरी गाठली, शनिवारी दक्षिण आफ्रिकेशी होणार लढत
या सामन्यात भारताने इंग्लंडचा 68 धावांनी पराभव करत अंतिम फेरीत प्रवेश केला आहे. जिथे त्याचा सामना 29 जून रोजी दक्षिण आफ्रिकेशी होणार आहे.
IND vs ENG T20 WC 2024 Semi-Final 2: टी-20 विश्वचषक (T20 World Cup 2024) स्पर्धेतील दुसरा उपांत्य सामना आज भारत आणि इंग्लंड (IND vs ENG) यांच्यात गयानाच्या प्रॉव्हिडन्स स्टेडियमवर खेळवला गेला. या सामन्यात भारताने इंग्लंडचा 68 धावांनी पराभव करत अंतिम फेरीत प्रवेश केला आहे. जिथे त्याचा सामना 29 जून रोजी दक्षिण आफ्रिकेशी होणार आहे. तत्तपुर्वी, इंग्लंडने टाॅस जिंकून गोलंदाजी करण्याचा निर्णय घेतला. नाणेफेक गमावल्यानंतर प्रथम फलंदाजीसाठी आलेल्या भारतीय संघाने 20 षटकात 171 धावा केल्या. भारतीय संघाकडून कर्णधार रोहित शर्माने सर्वाधिक 57 धावा केल्या. दुसरीकडे, इंग्लंडकडून ख्रिस जॉर्डन सर्वाधिक दोन विकेट घेतल्या. त्यानंतर इंग्लंडला हा सामना जिंकण्यासाठी 20 षटाकात 172 धावा करायच्या होत्या पण भारतीय फिरकीपटूसमोर गतविजेता संघ 103 धावावर गारद झाला. भारताकडून कुलदीप यादवने सर्वाधिक तीन विकेट घेतल्या. आता 29 जून रोजी टीम इंडिया आणि दक्षिण आफ्रिका यांच्यात अंतिम सामना होणार आहे.