India Beat Australia: भारताची विश्वचषकात विजयाने सुरुवात, ऑस्ट्रेलियाचा सहा गडी राखून केला पराभव; कोहली- राहुलची शानदार खेळी
आज टीम इंडिया आणि ऑस्ट्रेलिया यांच्यात वर्ल्ड कप 2023 चा पाचवा रोमांचक सामना खेळला गेला. या रोमांचक सामन्यात टीम इंडियाने ऑस्ट्रेलियाचा सहा गडी राखून पराभव करत विश्वचषकाची विजयी सुरुवात केली. तत्पूर्वी, ऑस्ट्रेलियन कर्णधार पॅट कमिन्सने नाणेफेक जिंकून प्रथम फलंदाजी करण्याचा निर्णय घेतला. नाणेफेक जिंकून प्रथम फलंदाजी करण्यासाठी आलेल्या संपूर्ण ऑस्ट्रेलियन संघाला 49.3 षटकांत केवळ 199 धावा करता आल्या. ऑस्ट्रेलियाकडून स्टीव्ह स्मिथने सर्वाधिक 46 धावा केल्या. टीम इंडियाकडून रवींद्र जडेजाने सर्वाधिक तीन विकेट घेतल्या. लक्ष्याचा पाठलाग करणाऱ्या टीम इंडियाने अवघ्या 41.2 षटकांत चार गडी गमावून लक्ष्य गाठले. टीम इंडियासाठी केएल राहुलने नाबाद 97 धावांची शानदार खेळी केली. ऑस्ट्रेलियाकडून जोश हेझलवूडने सर्वाधिक तीन बळी घेतले. टीम इंडियाचा पुढचा सामना बुधवारी म्हणजेच 11 ऑक्टोबरला अफगाणिस्तानशी होणार आहे.