IND vs AUS WTC Final 2023 Day 5 Live Score Update: पाचव्या दिवशी अजिंक्य रहाणे आणि विराट कोहली क्रीजवर हजर, भारत विजयापासून 280 धावा दूर
दोन्ही संघांमधील हा सामना लंडनच्या केनिंग्टन ओव्हलवर खेळला जात आहे. दरम्यान, पाचव्या दिवसाच्या खेळाला सुरुवात झाली आहे.
टीम इंडिया आणि ऑस्ट्रेलिया यांच्यात आज वर्ल्ड टेस्ट चॅम्पियनशिपच्या दुसऱ्या आवृत्तीचा अंतिम सामना खेळला जात आहे. दोन्ही संघांमधील हा सामना लंडनच्या केनिंग्टन ओव्हलवर खेळला जात आहे. दरम्यान, पाचव्या दिवसाच्या खेळाला सुरुवात झाली आहे. चौथ्या दिवसाचा खेळ संपेपर्यंत टीम इंडियाने दुसऱ्या डावात 40 षटकात तीन गडी गमावून 164 धावा केल्या होत्या. विराट कोहली नाबाद 44 आणि अजिंक्य रहाणे नाबाद 20 धावांवर खेळत आहे. याआधी पहिल्या डावात ऑस्ट्रेलियाने 121.3 षटकांत 449 धावा केल्या होत्या. ऑस्ट्रेलियाकडून ट्रॅव्हिस हेडने सर्वाधिक 163 धावा केल्या. टीम इंडियाकडून मोहम्मद सिराजने सर्वाधिक चार विकेट घेतल्या. त्याचवेळी, पहिल्या डावात टीम इंडिया 69.4 षटकात केवळ 296 धावा करत ऑलआऊट झाली. टीम इंडियाकडून अजिंक्य रहाणेने सर्वाधिक 89 धावांची खेळी खेळली. ऑस्ट्रेलियाकडून पॅट कमिन्सने सर्वाधिक विकेट घेतल्या आहेत. तत्पूर्वी, टीम इंडियाचा कर्णधार रोहित शर्माने नाणेफेक जिंकून प्रथम गोलंदाजी करण्याचा निर्णय घेतला. दुसऱ्या डावात फलंदाजीसाठी उतरलेल्या ऑस्ट्रेलियन संघाने पॅट कमिन्सची विकेट पडताच 270 धावांवर डाव घोषित केला. आता भारत विजयापासून 275 धावा दूर आहे.