Hyderabad Beat Rajasthan: रोमहर्षक सामन्यात हैदराबादने राजस्थानचा चार गडी राखून केला पराभव, संदीप शर्माचा नो बॉल पडला भारी
दोन्ही संघांमधील हा सामना राजस्थानमधील होम सवाई मानसिंग स्टेडियमवर खेळला गेला. या सामन्यात सनरायझर्स हैदराबादने राजस्थान रॉयल्सचा चार गडी राखून पराभव केला.
इंडियन प्रीमियर लीगच्या 16व्या हंगामातील 52 वा सामना आज राजस्थान रॉयल्स आणि सनरायझर्स हैदराबाद यांच्यात खेळला गेला. दोन्ही संघांमधील हा सामना राजस्थानमधील होम सवाई मानसिंग स्टेडियमवर खेळला गेला. या सामन्यात सनरायझर्स हैदराबादने राजस्थान रॉयल्सचा चार गडी राखून पराभव केला. तत्पूर्वी, राजस्थान रॉयल्सचा कर्णधार संजू सॅमसनने नाणेफेक जिंकून प्रथम फलंदाजी करण्याचा निर्णय घेतला. नाणेफेक जिंकून प्रथम फलंदाजी करण्यासाठी आलेल्या राजस्थान रॉयल्स संघाने निर्धारित 20 षटकात 2 गडी गमावून 214 धावा केल्या. राजस्थान रॉयल्सकडून सलामीवीर जोस बटलरने सर्वाधिक 95 धावांची खेळी केली. सनरायझर्स हैदराबादकडून मार्को जॉन्सन आणि भुवनेश्वर कुमार यांनी प्रत्येकी एक विकेट घेतली. लक्ष्याचा पाठलाग करताना सनरायझर्स हैदराबाद संघाने 20 षटकांत सहा गडी गमावून लक्ष्य गाठले. सनरायझर्स हैदराबादकडून अभिषेक शर्माने सर्वाधिक 55 धावा केल्या. राजस्थान रॉयल्सकडून युजवेंद्र चहलने सर्वाधिक चार विकेट घेतल्या.