Gujarat Beat Mumbai: क्वालिफायर-2 मध्ये गुजरातने मुंबईचा केला 62 धावांनी पराभव, सलग दुसऱ्यांदा अंतिम फेरीत प्रवेश करुन भिडणार सीएसके सोबत
क्वालिफायर सामन्यात गुजरात टायटन्सने मुंबई इंडियन्स (MI vs GT) पराभव करत फायनलमध्ये प्रवेश केला आहे. तिथे त्यांचा सामना सीएसके सोबत रविवारी होणार आहे. हा सामना अहमदाबादच्या नरेंद्र मोदी स्टेडियमवर खेळला गेला.
इंडियन प्रीमियर लीग 2023 चा (IPL 2023) दुसरा क्वालिफायर सामन्यात गुजरात टायटन्सने मुंबई इंडियन्सचा (MI vs GT) पराभव करत फायनलमध्ये प्रवेश केला आहे. तिथे त्यांचा सामना सीएसके सोबत रविवारी होणार आहे. हा सामना अहमदाबादच्या नरेंद्र मोदी स्टेडियमवर खेळला गेला. त्तपुर्वी, मुंबई इंडियन्सचा कर्णधार रोहित शर्माने नाणेफेक जिंकून प्रथम गोलंदाजी करण्याचा निर्णय घेतला. नाणेफेक हारल्यानंतर गुजरात टायटन्सच्या संघाने प्रथम फलंदाजी करताना निर्धारित 20 षटकात 2 गडी गमावून 233 धावा केल्या. गुजरात टायटन्ससाठी सलामीवीर शुभमन गिलने 129 धावांची सर्वात शानदार खेळी खेळली. मुंबई इंडियन्सकडून पियुष चावला आणि आकाश मधवाल यांनी प्रत्येकी एक विकेट घेतली. हा सामना जिंकण्यासाठी मुंबई इंडियन्स संघाला 20 षटकात 234 धावा करायच्या आहेत. लक्ष्याचा पाठलाग करण्यासाठी आलेल्या मुंबई इंडियन्सच संघ 171 धावावर बाद झाला. मुंबई इंडियन्सकडून सूर्यकुमार यादवने सर्वाधिक 61 धावा केल्या. गुजरात टायटन्सकडून मोहित शर्माने सर्वाधिक 5 बळी घेतले.