DC vs KKR, IPL 2023 Match 28 Live Score Update: रोमांचक सामन्यात दिल्लीने कोलकाताचा पराभव करून विजयाची चव चाखली, डेव्हिड वॉर्नरने खेळली कर्णधारपदाची खेळी
दोन्ही संघांमधील हा सामना दिल्लीतील अरुण जेटली स्टेडियमवर खेळला गेला. या सामन्यात दिल्ली कॅपिटल्सने कोलकाता नाईट रायडर्स संघाचा चार गडी राखून पराभव करत या मोसमातील पहिला विजय नोंदवला.
इंडियन प्रीमियर लीगच्या 16 व्या मोसमातील 28 वा सामना आज दिल्ली कॅपिटल्स आणि कोलकाता नाइट रायडर्स यांच्यात खेळला गेला. दोन्ही संघांमधील हा सामना दिल्लीतील अरुण जेटली स्टेडियमवर खेळला गेला. या सामन्यात दिल्ली कॅपिटल्सने कोलकाता नाईट रायडर्स संघाचा चार गडी राखून पराभव करत या मोसमातील पहिला विजय नोंदवला. तत्पूर्वी, दिल्ली कॅपिटल्स संघाचा कर्णधार डेव्हिड वॉर्नरने नाणेफेक जिंकून प्रथम गोलंदाजी करण्याचा निर्णय घेतला. नाणेफेक हारल्यानंतर कोलकाता नाईट रायडर्सच्या संघाने प्रथम फलंदाजी करताना निर्धारित 20 षटकात 127 धावा केल्या. कोलकाता नाईट रायडर्ससाठी सलामीवीर जेसन रॉयने सर्वाधिक 43 धावा केल्या. दिल्ली कॅपिटल्सकडून कुलदीप यादव, एरिक नॉर्जे, इशांत शर्मा, अक्षर पटेल यांनी प्रत्येकी दोन गडी बाद केले. लक्ष्याचा पाठलाग करताना दिल्ली कॅपिटल्स संघाने 19.2 षटकांत सहा गडी गमावून लक्ष्य गाठले. दिल्ली कॅपिटल्सकडून सलामीवीर डेव्हिड वॉर्नरने सर्वाधिक 57 धावा केल्या. कोलकाता नाईट रायडर्सकडून वरुण चक्रवर्ती, अनुकुल राय आणि नितीश राणा यांनी सर्वाधिक दोन बळी घेतले.
('सोशली' (SocialLY) हे आपल्यासाठी ट्विटर, इन्स्टाग्राम आणि यूट्यूब अशा सोशल मीडिया जगातील ताज्या ब्रेकिंग न्यूज, व्हायरल ट्रेंड व माहिती घेऊन येते. वृत्तात एम्बेड केलेली पोस्ट यूजर्सच्या सोशल मीडिया अकाऊंटमधून थेट एम्बेड करण्यात आली आहे. लेटेस्टलीच्या कर्मचाऱ्याने अथवा लेखकाने त्याचे संपादन किंवा त्यात सुधारणा केलेली नाही. सदर पोस्टमधील वस्तुस्थिती, प्रतिक्रियामधून लेटेस्टलीची मते प्रतिबिंबित होत नाहीत. तसेच या मजकूराची जबाबदारी अथवा उत्तरदायीत्व लेटेस्टली स्वीकारत नाही.)