Chennai Beat Mumbai: चेन्नईने मुंबईचा 20 धावांनी पराभव केला, रोहितचे नाबाद शतक व्यर्थ; मथिशा पाथिरानाने घेतल्या 4 विकेट
या रोमांचक सामन्यात चन्नईने मुंबईचा 20 धावांनी पराभव केला आहे.
MI vs CSK, IPL 2024 29th Match: आज इंडियन प्रीमियर लीग 2024 चा 29 वा (IPL 2024) सामना मुंबई इंडियन्स आणि चेन्नई सुपर किंग्ज (MI vs CSK) यांच्यात वानखेडे स्टेडियमवर खेळवला गेला. या रोमांचक सामन्यात चन्नईने मुंबईचा 20 धावांनी पराभव केला आहे. तत्तपुर्वी, मुंबई इंडियन्सने नाणेफेक जिंकून प्रथम गोलंदाजी करण्याचा निर्णय घेतला. नाणेफेक गमावल्यानंतर प्रथम फलंदाजीला आलेल्या चेन्नई सुपर किंग्जने मुंबई इंडियन्ससमोर 207 धावांचे लक्ष्य ठेवले. सीएसकेकडून ऋतुराज गायकवाडने 69, शिवम दुबे 66 धावांची आक्रमक खेळी केली. तर, मुंबईकडून हार्दिक पांड्याने सर्वाधिक 2 विकेट घेतल्या. लक्ष्याचा पाठलाग करण्यासाठी आलेल्या मुंबई इंडियन्स संघाला 20 षटकांत 6 गडी गमावून केवळ 186 धावा करता आल्या. मुंबई इंडियन्ससाठी सलामीवीर रोहित शर्माने नाबाद 105 धावांची सर्वोत्तम खेळी केली. चेन्नई सुपर किंग्जकडून मथिशा पाथिरानाने सर्वाधिक चार विकेट घेतल्या.