Haryana Mob Lynching: हरियाणात गोमांस खाल्ल्याच्या संशयावरून गोरक्षकांनी तरुणाला केली बेदम मारहाण; व्यक्तीचा मृत्यू, 5 जणांना अटक (Video)
अधिकाऱ्याने सांगितले की, जेव्हा आरोपी मलिकला मारहाण करत होते, तेव्हा काही लोकांनी हस्तक्षेप केला, त्यानंतर त्यांनी मलिकला दुसऱ्या ठिकाणी नेले आणि तेथे त्याला पुन्हा मारहाण केली, ज्यामुळे त्याचा मृत्यू झाला.
Haryana Mob Lynching: हरियाणातील चरखी दादरी जिल्ह्यात गोमांस खाल्ल्याच्या संशयावरून एका स्थलांतरित व्यक्तीला, गोरक्षकांनी बेदम मारहाण केली. यामध्ये या व्यक्तीचा मृत्यू झाला आहे. एका वरिष्ठ पोलीस अधिकाऱ्याने दिलेल्या माहितीनुसार, साबीर मलिक याची 27 ऑगस्ट रोजी हत्या करण्यात आली होती. नोंदवलेल्या गुन्ह्याच्या आधारे, अधिकाऱ्याने सांगितले की, गोमांस खाल्ल्याच्या संशयावरून पाच आरोपींनी मलिकला प्लास्टिकच्या रिकाम्या बाटल्या विकण्याच्या बहाण्याने एका दुकानात बोलावले आणि तेथे त्याला मारहाण केली. अभिषेक, मोहित, रविंदर, कमलजीत आणि साहिल अशी आरोपींची नावे आहेत.
पोलिसांनी सांगितले की, मलिक चरखी दादरी जिल्ह्यातील वांद्रे गावाजवळील एका झोपडपट्टीत राहत होता आणि उदरनिर्वाहासाठी भंगार गोळा करत असे. पोलिसांनी सांगितले की, भारतीय न्याय संहिता (BNS) च्या संबंधित तरतुदींनुसार आरोपींविरुद्ध गुन्हा दाखल करण्यात आला आहे. (हेही वाचा: Mumbai Shocker: अंधेरी येथे कानाच्या शस्त्रक्रियेदरम्यान कथितरीत्या भूल दिल्याने 28 वर्षीय महिला कॉन्स्टेबलचा मृत्यू; तपास सुरु)
हरियाणात गोमांस खाल्ल्याच्या संशयावरून गोरक्षकांनी तरुणाला केली बेदम मारहाण-