Char Dham Yatra Helicopter Service Resumed: चार धाम यात्रेसाठी हेलिकॉप्टर सेवा पुन्हा सुरू; खराब हवामानामुळे काही काळासाठी होती बंद

उत्तराखंडमध्ये चारधाम यात्रा अखंड सुरू आहे. आतापर्यंत 4 लाखांहून अधिक भाविकांनी बद्रीनाथ, केदारनाथ, गंगोत्री आणि यमुनोत्री या देवस्थानांना भेट दिली आहे. तसेच यात्रेसाठी हेली सेवा देखील पूर्णपणे कार्यरत आहेत आणि कोणत्याही प्रकारचा अडथळा नाही, अशी माहिती मुख्यमंत्री पुष्कर सिंह धामी यांनी दिली. उत्तराखंड सरकारने एएनआयला सांगितले की, चार धाम यात्रेसाठी हेलिकॉप्टर सेवा पुन्हा सुरू झाली आहे आणि ती सुरळीत सुरू आहे. खराब हवामानामुळे हेलिकॉप्टर सेवा काही काळासाठी बंद होती. पुष्कर सिंह धामी यांनी सांगितले की, सरकार चार धाम यात्रेचा प्रवास सुरळीत, सुरक्षित आणि सुव्यवस्थित करण्यासाठी सतत काम करत आहे. 30 एप्रिल रोजी अक्षय्य तृतीयेच्या दिवशी वैदिक जप आणि विधींमध्ये गंगोत्री आणि यमुनोत्री धामचे दरवाजे उघडून चार धाम यात्रा 2025 अधिकृतपणे सुरू झाली. केदारनाथ धामचे दरवाजे 2 मे रोजी उघडण्यात आले आणि बद्रीनाथचे दरवाजे 4 मे रोजी विधीवत उघडण्यात आले. (हेही वाचा: India-Pakistan Tension: 'भारताच्या लष्करी ठिकाणांवर हल्ला करण्यासाठी पाकिस्तानकडून ड्रोन, लांब पल्ल्याच्या शस्त्रे, दारूगोळा आणि लढाऊ विमानांचा वापर'; Colonel Sofiya Qureshi यांची माहिती)

Char Dham Yatra Helicopter Service Resumed:

('सोशली' (SocialLY) हे आपल्यासाठी ट्विटर, इन्स्टाग्राम आणि यूट्यूब अशा सोशल मीडिया जगातील ताज्या ब्रेकिंग न्यूज, व्हायरल ट्रेंड व माहिती घेऊन येते. वृत्तात एम्बेड केलेली पोस्ट यूजर्सच्या सोशल मीडिया अकाऊंटमधून थेट एम्बेड करण्यात आली आहे. लेटेस्टलीच्या कर्मचाऱ्याने अथवा लेखकाने त्याचे संपादन किंवा त्यात सुधारणा केलेली नाही. सदर पोस्टमधील वस्तुस्थिती, प्रतिक्रियामधून लेटेस्टलीची मते प्रतिबिंबित होत नाहीत. तसेच या मजकूराची जबाबदारी अथवा उत्तरदायीत्व लेटेस्टली स्वीकारत नाही.)