Boxer Vijendra Singh Joins BJP: काँग्रेसला आणखी एक मोठा धक्का; बॉक्सर विजेंदर सिंग यांनी केला भाजपमध्ये प्रवेश

Boxer Vijendra Singh Joins BJP: आगामी लोकसभा निवडणुकीत काँग्रेसला आणखी एक मोठा धक्का बसला आहे. बॉक्सिंगमधील भारताचे पहिले ऑलिम्पिक पदक विजेता आणि काँग्रेस नेते विजेंदर सिंग यांनी भाजपमध्ये प्रवेश केला आहे. विजेंदर सिंग यांनी 2019 ची लोकसभा निवडणूक दक्षिण दिल्ली मतदारसंघातून काँग्रेसचे उमेदवार म्हणून लढवली होती पण त्यांचा पराभव झाला. गेल्या काही दिवसांपासून त्यांचे नाव मथुरा येथून पक्षाचे उमेदवार म्हणून चर्चेत होते, जिथून अभिनेत्री आणि विद्यमान खासदार हेमा मालिनी पुन्हा निवडणूक लढवत आहेत. विजेंदर सिंग हे जाट समाजातील आहे, ज्याचा हरियाणा, पश्चिम उत्तर प्रदेश आणि राजस्थानमधील मोठ्या संख्येने जागांवर राजकीय प्रभाव आहे. भाजपमध्ये प्रवेश केल्यानंतर विजेंदर सिंह म्हणाले की, देशाच्या विकासासाठी आणि जनतेच्या सेवेसाठी मी आज भाजपमध्ये प्रवेश केला आहे.  विजेंदर सिंगचा जन्म 29 ऑक्टोबर 1985 रोजी हरियाणातील भिवानी येथे झाला. (हेही वाचा: Rahul Gandhi on BJP : 'ही निवडणूक लोकशाही आणि देशाची राज्यघटना नष्ट करू पाहणाऱ्या शक्ती विरोधी लढाई'- राहूल गांधी)