Baba Ka Dhaba नंतर आगरा मधील कांजी वडा विक्री करणाऱ्या 90 वर्षीय वृद्धाचा व्हिडिओ व्हायरल (Watch Video)

सोशल मीडियाची ऐवढी ताकद आहे की भल्याभल्यांचे आयुष्य पालटले गेले आहे. तर नुकताच दिल्लीतील बाबा का ढाबाचा व्हिडिओ व्हायरल झाला होता. त्यानंतर कोरोना व्हायरसच्या काळात फटका आणि गरीबी सहन करणाऱ्या वृद्ध दांपत्यांकडे खाण्यासाठी मोठ्या प्रमाणात गर्दी झाल्याचे दिसुन आले. तसेच त्यांच्या मदतीसाठी सुद्धा काहींचे हात पुढे सरसावण्यासह त्यांना पाठिंबा दिला गेला. याच पार्श्वभुमीवर आता अजून एका 90 वर्षीय वृद्धाचा व्हिडिओ सोशल मीडियात वेगाने व्हायरल होत आहे. कांजी वडे स्टॉल चालवणाऱ्या या आजोबांचे कोरोना व्हायरसमुळे फार मोठे नुकसान झाले आहे. तसेच यामधून मिळणाऱ्या उत्त्पनाला ही त्याचा फटका बसला आहे.(Baba Ka Dhaba चा व्हिडिओ व्हायरल झाल्यानंतर वृद्ध दांपत्यांना पाठिंबा देण्यासाठी पुढे सरसावले बॉलिवूड कलाकार, पहा ट्विट्स)

इंस्टाग्राम युजर धनिष्ठा ने नुकताच 90 वर्षीय वृद्धाचा एक व्हिडिओ शेअर केला आहे. जे गेल्या 40 वर्षांपासून कांजी वड्याची विक्री करतात. पण कोरोना व्हायरसमुळे त्यांचे फार मोठे आर्थिक नुकसान झाले. त्यामुळे दैनंदिन जीवन जगण्यासाठी त्यांना काही समस्या उद्भवत आहेत.(दिल्ली: बाबांच्या भावूक व्हिडिओनंतर 'Baba Ka Dhaba' ला नेटकऱ्यांकडून उदंड प्रतिसाद; पहा फोटोज आणि व्हिडिओज)

 

View this post on Instagram

 

My kanji bada wale uncle 😁 He has been selling kanji badas for almost 40 years and as of today, he is 90 years old. Because of this pandemic he gets to earn only ₹250-₹300 in a day. His stall is in professors colony, Kamla nagar, Agra, near desire Bakery. I’ve been here earlier also and I hope you guys also come here, eat and help him as much as you can. You’ll find him here everyday, from 5:30pm. Also, if you know such places in Agra, DM me. I will try to meet and help them all and will tell everyone about them. All of us should help those in need. Start from your own area, your city and then see how it all changes and let’s try to highlight every story we are able to. #vocalforlocal #vocal #old #viral #supportlocal #foodvideo #viralvideos

A post shared by DHANISHTHA (@a_tastetour) on Oct 8, 2020 at 7:30am PDT

धनिष्ठा हिने हा व्हिडिओ शेअर करत या वृद्धाची मदत करावी असे आवाहन केले आहे. या व्हिडिओला तिने कॅप्शन देत असे म्हटले आहे की, माझे कांजी वडे वाले काका, गेल्या 40 वर्षांपासून कांजी वड्यांची विक्री करत असून त्यांचे वय 90 वर्ष आहे. या कोरोना व्हायरसमुळे त्यांना फक्त 250-300 रुपयेच मिळतात. त्यांच्या स्टॉलच्या अचूक ठिकाणाबद्दल विचारले असता तो प्रोफेसर कॉलनी, कमला नगर, आगरा येथील इच्छा बेकरीजवळ आहे. मला आशा आहे की तुम्ही लोक येथे येऊन खाल आणि त्यांची मदत कराल. तुम्ही त्यांना येथे रोज पाहू शकता. ते आपला स्टॉल रोज संध्याकाळी 5.30 वाजता सुरु करतात.