Man Hangs From Moving Car's Door With Plastic Wrap: मित्राला प्लास्टिकमध्ये गुंडाळून चालत्या कारच्या दरवाजाला लटकवले; धक्कादायक स्टंट पाहून नेटकरी हैराण (Watch Video)
कारण रील बनवण्यासाठी त्याने वाहतूक नियमांचे उल्लंघन तर केलेच, शिवाय त्याच्या मित्रासह इतर पादचाऱ्यांचाही जीव धोक्यात घातला. या रील स्टारने असा स्टंट केला आहे की, त्याच्यावर कडक कारवाई करण्यात यावी, अशी मागणी नेटीझन्स पोलिसांकडे करत आहेत.
Man Hangs From Moving Car's Door With Plastic Wrap: सोशल मीडियावर व्हायरल होण्यासाठी लोक काहीही विचित्र गोष्टी करतात. पण सोशल मीडियावर लोकप्रिय होण्यासाठी एखाद्याचा जीव धोक्यात घालणे कितपत योग्य आहे? इन्स्टाग्रामवर एका यूजरवर सध्या खूप टीका केली जात आहे. कारण रील बनवण्यासाठी त्याने वाहतूक नियमांचे उल्लंघन (Violation of Traffic Rules) तर केलेच, शिवाय त्याच्या मित्रासह इतर पादचाऱ्यांचाही जीव धोक्यात घातला. या रील स्टारने असा स्टंट केला आहे की, त्याच्यावर कडक कारवाई करण्यात यावी, अशी मागणी नेटीझन्स पोलिसांकडे करत आहेत.
हा व्हिडिओ 12 एप्रिल रोजी इंस्टाग्राम प्रभावशाली @sumit_cool_dubey च्या हँडलवरून पोस्ट करण्यात आला होता, ज्याला 92.2 दशलक्ष व्ह्यू आणि 21 लाख लाईक्स मिळाले आहेत. तसेच, ही क्लिप फेसबुकवरून यूट्यूबवर शेअर केली जात आहे जिथे लोक पोलिसांना विनंती करत आहेत की, या व्यक्तीवर कठोर कारवाई करावी जेणेकरून इतर लोक असे स्टंट करण्यापूर्वी 10 वेळा विचार करतील. ही रील पोस्ट करताना या व्यक्तीने व्हिडिओला कॅप्शन देताना लिहिले आहे की, 'भावाला झोपून जायचं होतं.' (हेही वाचा - Viral Video: सीट न मिळाल्याने ट्रेनच्या खिडकीच्या काचा फोडल्या, व्हिडिओ व्हायरल)
व्हायरल क्लिपमध्ये असे दिसून येते की, रील बनवण्यासाठी इन्फ्युलेंसरने त्याच्या मित्राला काळ्या रंगाच्या कारच्या दारावर टेपच्या साहाय्याने प्लास्टिकमध्ये गुंडाळले. तसेच या व्यक्तीला असंच लटकलेल्या अवस्थेत ठेवून तो गाडी चालवतो. तथापि, जेव्हा हे प्रकरण व्हायरल झाले तेव्हा अनेक वापरकर्त्यांनी इन्स्टाग्राम इन्फ्युलेंसरवर कारवाईची मागणी केली आहे.