Mukhyamantri Majhi Ladki Bahin Yojana: मुख्यमंत्री माझी लाडकी बहिण योजनेतील 'या' महिलांना 1500 ऐवजी मिळणार केवळ 500 रूपये
मागील वर्षी ऑक्टोबर महिन्यामध्ये मुख्यमंत्री माझी लाडकी बहिण योजना मध्ये 2.63 कोटी लाभार्थी होते. पडताळणी नंतर त्यामध्ये घट होऊन फेब्रुवारी पर्यंत लाभार्थ्यांची संख्या 2.52 कोटी झाली. मार्च महिन्यात ही संख्या 2.46 कोटी पर्यंत आली आहे.
Mukhyamantri Majhi Ladki Bahin Yojana Beneficiary List: महाराष्ट्रामध्ये विधानसभा निवडणूकीच्या तोंडावर जाहीर झालेल्या मुख्यमंत्री माझी लाडकी बहिण योजनाची (Mukhyamantri Majhi Ladki Bahin Yojana) आता स्क्रुटिनी सुरू झाली आहे त्यामुळे लाभार्थ्यांच्या यादीमधून अनेकींची काटछाट सुरू झाली आहे. आता अन्य योजनांचा लाभ घेणार्‍या महिलांना मुख्यमंत्री माझी लाडकी बहिण योजना मधून मिळणारे पैसे कमी केले जाणार असल्याचं वृत्त समोर आलं आहे. सरकारी पडताळणी नंतर आता लाभार्थ्यांच्या संख्येमध्ये कपात होणार आहे. सरकारच्या अंदाजानुसार यामध्ये 10-15 लाभ महिला लाभार्थी कमी होऊ शकतात.
मीडीया रिपोर्ट्सनुसार, लाभार्थी महिलांच्या संख्येमध्ये 8 लाखापर्यंत महिलांच्या मानधनामध्ये कपात झाली आहे. या महिला लाडकी बहिण योजना सोबतच नमो शेतकरी महासन्मान निधी चा देखील लाभ घेत होते. त्यामुळे या 8 लाख महिलांना आता 1500 ऐवजी केवळ 500 रूपये मिळणार आहेत. या महिला आधीच शेतकरी महासन्मान निधी मधून 1 हजार रूपये मिळवत आहेत.
मागील वर्षी ऑक्टोबर महिन्यामध्ये मुख्यमंत्री माझी लाडकी बहिण योजना मध्ये 2.63 कोटी लाभार्थी होते. पडताळणी नंतर त्यामध्ये घट होऊन फेब्रुवारी पर्यंत लाभार्थ्यांची संख्या 2.52 कोटी झाली. मार्च महिन्यात ही संख्या 2.46 कोटी पर्यंत आली आहे. नक्की वाचा: Mukhyamantri Majhi Ladki Bahin Yojana च्या निधीत घट? अर्थसंकल्पात बजेट घटले; गेल्या वेळच्या तुलनेत 10 हजार कोटींचा निधी कमी .
मुख्यमंत्री माझी लाडकी बहिण योजना मध्ये 5 मानदंडांवरून महिला लाभार्थी आहे की नाही? हे ठरवत आहेत. महिलांचे वय 18-65 वर्ष आवश्यक आहे. ती महाराष्ट्राची नागरीक असावी. कुटुंबाचं उत्पन्न 2.5 लाख असावं. घरात चार चाकी असल्यास किंवा घरात कोणी सरकारी कर्मचारी असल्यास ती पात्र नसेल.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)