Exit Poll Results 2022 | File Image

हिमाचल प्रदेश (Himachal Pradesh) मध्ये 68 जागांसाठी झालेल्या विधानसभा निवडणूक निकालांचा एक्झिट पोलचा (Exit Poll Results) अंदाज हाती आला आहे. भाजपाच्या (BJP) हातात असलेलं हे राज्य आता कॉंग्रेस (Congress) च्या हातामध्ये जाण्याची शक्यता एक्झिट पोलच्या अंदाजामध्ये पहायला मिळत आहे. हिमाचल प्रदेश मध्ये भाजपा आणि कॉंग्रेस मध्ये कांटे की टक्कर पहायला मिळण्याची शक्यता आहे. हिमाचल प्रदेशातील विधानसभा निवडणूकीचा निकाल 8 डिसेंबरला जाहीर होणार आहे. तत्पूर्वी आज विविध संस्थांनी केलेले एक्झिट पोल अंदाज जाहीर करण्यात आले आहेत. Gujarat Election Exit Poll Result 2022: गुजरात मध्ये भाजपा पुन्हा सत्ता राखणार; सर्वाधिक जागा जिंकण्याचीही रेकॉर्डब्रेक कामगिरीचे एक्झिट पोल निकालात अंदाज .

हिमाचल प्रदेश मधील एक्झिट पोल अंदाज

ABP-CVoter च्या एक्झिट पोल अंदाजानुसार,हिमाचल प्रदेशमध्ये, 68 जागांच्या विधानसभेत भाजपला 33 ते 41 जागा मिळण्याची शक्यता दिसत आहे, जिथे बहुमताचा आकडा 35 आहे. याउलट, प्रमुख विरोधी काँग्रेसला 24 ते 32 जागांवर विजय मिळण्याची शक्यता आहे. आज तकच्या एक्झिट पोलच्या निकालांनुसार, काँग्रेस पक्ष हिमाचल प्रदेश विधानसभा निवडणूक 2022 मध्ये जिंकू शकतो. आजतकच्या एक्झिट पोलच्या निकालानुसार 68 सदस्यांच्या हिमाचल प्रदेश विधानसभेत जुन्या पक्षाला 30-40 जागा मिळण्याची शक्यता आहे. भाजपला 24-34 जागा मिळू शकतात. हिमाचल प्रदेशात 'आप' खातं उघडणं देखील कठीण असल्याचा अंदाज आहे. नक्की वाचा: Himachal Pradesh Exit Polls Results 2022: 'हिमाचल प्रदेशमध्ये आम्ही लोकांचे मुद्दे उचलून धरले आणि तेच क्लिक झाले'- कॉंग्रेस नेत्या Supriya Shrinate (Watch Video) .

हिमाचल प्रदेश विधानसभा निवडणुकीत 2022 मध्ये सत्ताधारी भारतीय जनता पक्ष (भाजप) आणि काँग्रेस यांच्यात अटीतटीची लढत होणार आहे. रिपब्लिक-पीएमआरक्यू एक्झिट पोलच्या निकालानुसार, भाजपला 34-39 जागा मिळण्याची शक्यता आहे, तर काँग्रेसला बाजी मारण्याची शक्यता आहे. 28-33 जागा. रिपब्लिक-पीएमएआरक्यूच्या एक्झिट पोलच्या निकालात आम आदमी पार्टी (आप) फार प्रभाव दाखवू शकणार नाही.