Lawrence Bishnoi Gang: तब्बल 700 शूटर्स, 11 राज्यात दहशत, लॉरेन्स बिश्नोई चालत आहे Dawood Ibrahim च्या मार्गावर, NIA चा दावा
सतविंदर सिंग उर्फ गोल्डी ब्रार हा कॅनडाच्या पोलीस आणि भारतीय एजन्सीला हवा आहे, तो बिश्नोई टोळी चालवत आहे. एनआयएने सांगितले की, बिश्नोई टोळीत 700 हून अधिक शूटर आहेत, त्यापैकी 300 पंजाबशी संबंधित आहेत.
Lawrence Bishnoi Gang: नॅशनल इन्व्हेस्टिगेशन एजन्सी (NIA) लॉरेन्स बिश्नोई (Lawrence Bishnoi) आणि गोल्डी ब्रार (Goldy Brar) या गुंडांच्या टोळीवर सातत्याने कारवाई करत आहे. एनआयएने गँगस्टर टेरर प्रकरणात कुख्यात गँगस्टर लॉरेन्स बिश्नोई, गोल्डी ब्रार यांच्यासह अनेक कुख्यात गुंडांवर आरोपपत्र दाखल केले. यामध्ये एनआयएने यामध्ये अनेक मोठे खुलासे केले आहेत. एनआयएने आपल्या आरोपपत्रात म्हटले आहे की, लॉरेन्स बिश्नोई आणि त्याचे दहशतवादी यांनी त्यांचे सिंडिकेट अभूतपूर्व पद्धतीने पसरले आहेत. दाऊद इब्राहिमने 90 च्या दशकात छोटे-मोठे गुन्हे करून आपले नेटवर्क तयार केले होते त्याच पद्धतीने त्यानेही आपले नेटवर्क तयार केले आहे.
दाऊद इब्राहिमने अंमली पदार्थांची तस्करी, टार्गेट किलिंग, खंडणी रॅकेटच्या माध्यमातून आपले साम्राज्य उभे केले आणि मग त्याने डी कंपनी स्थापन केली. त्यानंतर त्याने पाकिस्तानी दहशतवाद्यांशी हातमिळवणी करून आपले नेटवर्क वाढवले. दाऊद इब्राहिम आणि डी कंपनीप्रमाणेच बिश्नोई टोळीनेही किरकोळ गुन्ह्यांची सुरुवात केली. त्यानंतर त्याने स्वतःची टोळी तयार केली. आता बिष्णोई टोळीने उत्तर भारताचा ताबा घेतला आहे.
सतविंदर सिंग उर्फ गोल्डी ब्रार हा कॅनडाच्या पोलीस आणि भारतीय एजन्सीला हवा आहे, तो बिश्नोई टोळी चालवत आहे. एनआयएने सांगितले की, बिश्नोई टोळीत 700 हून अधिक शूटर आहेत, त्यापैकी 300 पंजाबशी संबंधित आहेत. बिश्नोई आणि गोल्डी ब्रार यांचा सोशल मीडिया प्लॅटफॉर्म, फेसबुक, इन्स्टाग्राम, यूट्यूबच्या माध्यमातून प्रचार करण्यात आला. बिष्णोई टोळीने 2020-21 पर्यंत खंडणीतून कोट्यवधी रुपये कमावले आणि तो पैसा हवालाद्वारे परदेशात पाठवला गेला.
एनआयएनुसार, बिश्नोईची टोळी एकेकाळी फक्त पंजाबपुरती मर्यादित होती. पण आता गोल्डी ब्रार याने हरियाणा, दिल्ली आणि राजस्थानच्या टोळ्यांशी हातमिळवणी करून मोठी टोळी तयार केली. बिश्नोई टोळी आता उत्तर भारत, पंजाब, उत्तर प्रदेश, हरियाणा, महाराष्ट्र, दिल्ली, राजस्थान आणि झारखंडमध्ये पसरली आहे. सोशल मीडिया आणि इतर विविध मार्गांनी तरुणांना टोळ्यांमध्ये भरती केले जाते. ही टोळी अमेरिका, अझरबैजान, पोर्तुगाल, यूएई आणि रशियामध्ये पसरली आहे.
तरुणांना कॅनडा किंवा त्यांच्या आवडीच्या देशात पाठवण्याचे आमिष दाखवून त्यांना टोळ्यांमध्ये भरती केले जाते. एनआयएच्या म्हणण्यानुसार, पाकिस्तानमध्ये राहणारा खलिस्तानी दहशतवादी हरविंदर सिंग रिंडा हा पंजाबमध्ये टार्गेट किलिंग आणि गुन्हेगारी कारवाया करण्यासाठी बिश्नोई टोळीच्या शूटर्सचा वापर करतो. काही दिवसांपूर्वी एनआयएने लॉरेन्स बिश्नोई, गोल्डी ब्रार यांच्यासह एकूण 16 गुंडांच्या विरोधात UAPA अंतर्गत न्यायालयात आरोपपत्र दाखल केले होते. (हेही वाचा: Gangster Lawrence Bishnoi: बिश्नोई टोळीचे दाऊद इब्राहिमप्रमाणे नेटवर्क, लॉरेन्सला ताब्यात घेणे मुंबई पोलिसांना जाणार कठीण)
गोल्डी ब्रार कॅनडा, पंजाब आणि दिल्लीतील टोळ्या हाताळतो. रोहित गोदारा राजस्थान, मध्य प्रदेश आणि अमेरिकेतील टोळ्यांवर देखरेख करतो. अनमोल बिश्नोई पोर्तुगाल, यूएसए, दिल्ली एनसीआर, महाराष्ट्र, बिहार आणि पश्चिम बंगालच्या कमांडवर आहेत. तर, कला जथेडी हरियाणा आणि उत्तराखंडमधील टोळ्या हाताळते. या संपूर्ण टोळीचा अहवाल थेट साबरमती कारागृहात असलेल्या लॉरेन्स बिश्नोईला देण्यात येतो. या टोळीची शस्त्रे मध्य प्रदेशातील माळवा, मेरठ, मुझफ्फरनगर, यूपीमधील अलीगढ आणि बिहारमधील मुंगेर, खगरिया येथून येतात. याशिवाय पाकिस्तानच्या सीमेला लागून असलेल्या पंजाब जिल्ह्यातूनही या टोळीकडे शस्त्रे पोहोचतात. याशिवाय या टोळीला पाकिस्तान, अमेरिका, रशिया, कॅनडा आणि नेपाळमधूनही शस्त्रे मिळतात.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)