Himachal Pradesh: धर्मशाळेतील Gyuto Monastery मधील सुमारे शंभर बौद्ध भिक्खूंचा कोरोना व्हायरस अहवाल सकारात्मक; आतापर्यंत मठातील 156 भिक्खूंना कोरोनाची लागण

हिमाचल प्रदेशमध्ये (Himachal Pradesh) पुन्हा एकदा कोरोना विषाणू (Coronavirus) संक्रमणाने वेग धरायला सुरुवात केली आहे. राज्यात पुन्हा एकदा कोरोना विषाणूच्या सक्रिय घटनेत वाढ झाली आहे. 15 दिवसांपूर्वी राज्यात कोरोनाची अवस्था सामान्य होती, परंतु आता वाढत्या घटनांमुळे आरोग्य विभागही सतर्क झाला आहे. पुन्हा एकदा कांगडा जिल्ह्यात कोरोनाने थैमान घालायला सुरुवात केली आहे. कांगडा जिल्ह्यात 108 प्रकरणे समोर आली आहेत. महत्वाचे म्हणजे यातील 107 प्रकरणे ग्यातो मोनेस्ट्री (Gyuto Monastery) सिद्धपुरची आहेत. नगरोटा बगवां येथील एक प्रकरण आहे. कांगडा जिल्हा हा एकमेव असा जिल्हा आहे जिथे सर्वाधिक सक्रिय रुग्ण आढळले आहेत.

काल उपविभागीय धर्मशाळेतील सिद्धपूर येथील ग्यात्सो मठात कोरोना संक्रमणाचे 21 नवीन रुग्ण आढळले होते. मॉनेस्ट्रीच्या 60 बौद्ध भिक्खूंचा कोरोना अहवाल गेल्या चार दिवसांत सकारात्मक आढळला आहे. ज्यामुळे मठ आणि आसपासचा परिसर कंटेनमेंट झोन म्हणून घोषित करण्यात आला आहे. तसेच, सर्व प्रकारच्या हालचाली आणि बांधकाम कामावर बंदी घालण्यात आली आहे. केवळ आपत्कालीन परिस्थितीत लोकांना हालचाल करण्यास परवानगी आहे. आतापर्यंत मठातील 156 भिक्खूंना कोरोनाची लागण झाली आहे. (हेही वाचा: कोरोना विषाणू लस उत्पादक Serum Institute, Bharat Biotech ला केले चीनी हॅकर्सनी लक्ष्य- Report)

यासह राज्यातील कोरोना संक्रमणाचा आकडा 58777 वर पोहोचला आहे. सक्रिय प्रकरणे आता 434 आहेत. आतापर्यंत 57347 रुग्ण बरे झाले आहेत आणि 983 मरण पावले आहेत. बिलासपूरमध्ये 18 सक्रिय कोरोना प्रकरणांची संख्या आहे, चंबामध्ये सहा, हमीरपूरमध्ये नऊ, कांगडामध्ये 219, किन्नौरमध्ये सात, कुल्लूमध्ये 10, मंडीमध्ये 15, शिमलामध्ये 36, सिरमौरमध्ये 23, सोलनमध्ये 33 आणि ऊना जिल्ह्यात 58 प्रकरणे आहेत.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)