Gautam Adani (Photo Credit - PTI)

Bloomberg Billionaire's Index च्या माहितीनुसार, Adani Group of Companies चे चेअरमॅन गौतम अदानी (Gautam Adani) हे भारतातील सर्वात श्रीमंत व्यक्ती ठरले आहे. गौतम अदानी भारताप्रमाणेच आशिया मधीलही सर्वात श्रीमंत व्यक्ती ठरले आहेत. त्यांनी Reliance Industries च्या Mukesh Ambani यांना मागे टाकत हा मान मिळवला आहे. अदानींचा नेट वर्थ जगातील टॉप 12 वर पोहचला आहे. तर अदानींच्या खालोखाल 13 व्या स्थानी  मुकेश अंबानी आहेत.

अंबानी आणि अदानी दोघांचीही मागील वर्षीच्या तुलनेत वाढ झालेली आहे. अदानी डिसेंबर 2023 च्या आधी पंधराव्या स्थानावर पोहोचले होते, ज्यामुळे ते अंबानीच्या जवळ म्हणजे चौदाव्या क्रमांकावर होते.

अदानींचे नेट वर्थ किती?

अदानी समूहाचे संस्थापक सध्या सर्वात श्रीमंत आशियाई आणि भारतीय आहेत. 97.6 अब्ज डॉलर्सच्या संपत्तीसह ते जगात 12 व्या क्रमांकावर आहेत. त्यांनी YTD $13.3 अब्ज जमा केले आहेत. आधीच्या यादीतील स्थानापेक्षा $7.67 अब्ज कमावले आहेत. दरम्यान, हिंडनबर्गच्या आरोपांमुळे, वर्षाच्या सुरुवातीला अदानीच्या एकूण संपत्तीत लक्षणीय घट झाली होती. Adani Stocks: सर्वोच्च न्यायालयातून दिलासा मिळताच अदानींच्या शेअर्समध्ये मोठी वाढ .

अदानी समूहावर न्यूयॉर्कच्या शॉर्ट सेलर हिंडेनबर्ग रिसर्चने जानेवारी 2023 मध्ये स्टॉकमध्ये सतत फेरफार आणि त्याच्या बुककीपिंगमध्ये उल्लंघन केल्याचा आरोप केला होता. अदानी समूहाने हे आरोप फेटाळून लावले आहेत. या आरोपांनंतर, अदानी समुहाच्या कंपन्यांच्या शेअर्सच्या किमती घसरल्या, ज्यामुळे अदानीची संपत्ती $69 अब्ज म्हणजेच सुमारे 60% इतकी घसरली होती.   (हेही वाचा -Adani Hindenburg Case Verdict: उद्योगपती Gautam Adani यांना सुप्रिम कोर्टाचा मोठा दिलासा; SEBI चं करणार पूर्ण तपास).

काय आहे अदानी ग्रुप?

अहमदाबाद येथील गौतम अदानी यांचा अदानी समूह हा भारतातील प्रमुख पायाभूत सुविधा समूहांपैकी एक आहे. हे आंतरराष्ट्रीय कोळसा व्यापारातील एक आहेत आणि देशातील सर्वात मोठे खाजगी बंदर नियंत्रित करतात. समूहाचा सर्वात मोठा व्यवसाय - अदानी एंटरप्रायझेसने ३१ मार्च २०२३ रोजी संपलेल्या आर्थिक वर्षात १७ अब्ज डॉलरची विक्री नोंदवली. गौतम अदानी यांच्या संपत्तीचा मुख्य स्त्रोत म्हणजे त्यांनी स्थापन केलेल्या अदानी समूहाशी संबंधित सहा सार्वजनिक व्यापार व्यवसायांची मालकी देखील आहे.