मुंबई: मलबार हिल येथे लागलेल्या आगीतून 17-18 जणांची सुखरूप सुटका; 5 फेब्रुवारी 2020 च्या ताज्या मराठी बातम्या आणि ब्रेकिंग न्यूज LIVE

मलबार हिल मधील निवासी इमारतीत लागलेली आग आटोक्यात आणली गेली आहे. मुख्य अग्निशमन अधिकारी, मुंबई अग्निशमन दल यांनी दिलेल्या माहितीनुसार, उष्णता आणि धूर यामुळे इमारतीत अडकलेल्या सुमारे 17-18 जणांना सुखरूप वाचवण्यात यश आले आहे.

पंजाब आणि महाराष्ट्र को-ऑपरेटिव्ह (PMC) बँक प्रकरणः मुंबई पोलिसांच्या आर्थिक गुन्हे शाखेने या प्रकरणातील सात आरोपींविरूद्ध, 12,000 पानांचे आरोपपत्र दाखल केले आहे.

मुख्यमंत्री उद्धव बाळासाहेब ठाकरे यांच्या अध्यक्षतेखालील मंत्रिमंडळ बैठक आज पडली, त्यामध्ये पुढील प्रमाणे निर्णय घेण्यात आले -

> नागरी भागात निर्माण होणाऱ्या सांडपाण्यावर प्रक्रिया करण्यासाठी तयार करण्यात आलेल्या पहिल्या टप्प्यातील सांडपाणी प्रक्रिया प्रस्तावास मान्यता.

> कंपनी एकत्रीकरण किंवा पुनर्रचनेसंबंधीच्या दस्तांसाठी आकारण्यात येणाऱ्या मुद्रांक शुल्कावर विहित केलेली कमाल मर्यादा २५ कोटीवरुन ५० कोटीपर्यंत वाढविण्यास मान्यता.

> कापूस खरेदीसाठी कापूस पणन महासंघास आवश्यक असलेल्या १८०० कोटी रुपयांच्या शासन हमीस मान्यता

मुंबईतील मलबार रोड येथील हँगिंग गार्डन जवळील एका इमारतीला भीषण आग लागल्याचे वृत्त समोर येत आहे. ANI ने दिलेल्या वृत्तानुसार, 12 अग्निशमन दलाच्या गाड्या घटनास्थळी दाखल झाल्याचे सांगण्यात येत असून या आगीबाबत अजून कोणतीही माहिती मिळालेली नाही.

ANI ने दिलेल्या वृत्तानुसार, दिल्लीतील निर्भया सामूहिक बलात्कारातील आरोपी अक्षय ठाकूर याची दया याचिका राष्ट्रपती रामनाथ कोविंद यांनी आज फेटाळली. यावरुन या चारही आरोपींना आता एकत्र फाशी होण्याची शक्यता वर्तविण्यात येत आहे.

शिर्डीत 55 वर्षीय महिलेवर बलात्कार झाल्याची धक्कादायक घटना उघडकीस आली आहे. या घटनेत पीडित महिलेच्या कुटूंबाकडून आरोपीस झालेल्या मारहाणीत आरोपीचा मृत्यू झाला आहे. याप्रकरणी तिघांना गुन्हा दाखल करण्यात आला असून पोलीस अधिक तपास करत आहेत. 

महिला कोरिओग्राफरचे शारीरिक व मानसिक शोषण केल्याच्या विरोधात मुंबई पोलिसांनी प्रसिद्ध कोरिओग्राफर गणेश आचार्यविरोधात गुन्हा दाखल केला आहे. गणेश आचार्य हे आपल्याला चित्रपट क्षेत्रात काम मिळण्यास अडथळा आणण्यासह आपल्या अश्लील व्हिडिओ पाहण्यासाठी बळबजबरी केल्याचा आरोप केला होता. तसेच ते आपल्याला मानसिक छळही देत असल्याचे तिने तक्रारीत म्हटले होते.

हिंगणघाट आणि औरंगाबाद घटनेचा तीव्र निषेध करत 'महिलांवरील अत्याचार सहन करणार नाही' अशा शब्दांत मुख्यमंत्री उद्धव ठाकरे यांनी आरोपींवर आगपाखड केली आहे. तसेच आरोपींना ताबडतोब शिक्षा झाली पाहिजे यासाठी आम्ही प्रयत्नशील आहोत असेही ते म्हणाले. 

पंतप्रधान नरेंद्र मोदी आणि दिल्लीचे मुख्यमंत्री अरविंद केजरीवाल हे लोकांना देशभक्ती शिकवत आहेत. मात्र  ते मूळत: देशभक्त असल्याने त्यांना देशभक्ती शिकवण्याची गरज नाही असे काँग्रेस नेते राहुल गांधी यांनी खडसावून सांगितले. दिल्ली निवडणूक 2020 पार्श्वभूमिवर राहुल गांधी यांनी कोंडलीत घेतलेल्या प्रचारसभेत बोलत होते. तसेच हा केवळ लोकांमध्ये फूट पाडण्याचा प्रकार आहे असेही ते यावेळी म्हणाले.

काँग्रेस नेते अशोक चव्हाण यांच्या अध्यक्षतेखाली मराठा आरक्षणाबाबत राज्य सरकारने समिती नेमली आहे. तसेच मराठा आरक्षणाबाबत आता कुठलीही अडचण नसल्याचे काँग्रेस नेतेअर्थमंत्री जयंत पाटील यांनी प्रसारमाध्यमांशी बोलताना सांगितले आहे. 

हिंगणघाट जळीतकांड प्रकरणी आरोपपत्र दाखल लवकर दाखल करा अशी सूचना मुख्यमंत्री उद्धव ठाकरे यांनी कॅबिनेट बैठकीत दिली आहे. तसेच महिलांवरील अत्याचार आता सहन केले जात नसल्याचे ही उद्धव ठाकरे यांनी स्पष्ट केले आहे. 

नाशिक: पांडुरंग मांजवंडीकर यांच्या तमाशा पथकावर हल्ला करण्यात आल्याचा प्रकार समोर उघडकीस आला आहे. तसेच गाव गुंडांकडून तमाशा पथकातील पुरुषांना मारहाण करण्यासोबत महिलांचा विनयभंग सुद्धा केला आहे. 

तेलंगणा येथे बस आणि ट्रकचा भीषण अपघात झाल्याची घटना घडली आहे. यामध्ये 10 जण गंभीर जखमी झाल्याचे वृत्त समोर येत आहे.

निर्भया सामूहिक बलात्कार प्रकरणी दिल्ली हायकोर्टाने केंद्र सरकारचा अर्ज फेटाळून लावला आहे. चारही आरोपींना स्वतंत्रपणे फाशी दिली जाणार नसल्याचे स्पष्ट करण्यात आले आहे.

राम जन्मभूमीच्या ट्रस्टची स्थापना झाल्यानंतर मनसे अध्यक्ष राज ठाकरे यांनी दिली प्रतिक्रिया दिली आहे. त्यांनी ट्वीट करत असे म्हटले आहे की, या  निर्णयामुळे अयोध्येतील राम मंदिराच्या उभारणीला आता वेग येईल अशी अपेक्षा. ह्या निर्णयासाठी संपूर्ण मंत्रिमंडळाचे मनापासून अभिनंदन!

राम मंदिरासाठी ट्रस्ट स्थापना केल्याने शिवसेना खासदार संजय राऊत यांच्याकडून पंतप्रधान नरेंद्र मोदी यांचे अभिनंदन केले आहे. तर राम मंदिरप्रश्नी शिवसेना पक्षप्रमुख बाळासाहेब ठाकरे यांचे मोठे योगदान असल्याचे ही राऊत यांनी स्पष्ट केले आहे. त्यामुळे ज्यांनी बलिदान दिले त्यांना श्रेय द्या अशी भुमिका सुद्धा राऊत यांनी मांडली आहे. 

चीन मधील वुहान येथून लागण झालेला कोरोना व्हायरस भारतात येऊन पोहचला आहे. केरळात तीन जणांना कोरोना झाल्याचा प्रकार समोर आल्यानंतर आता अहमदाबाद येथे कोरोना व्हायरसचा संशयित रुग्ण आढळला आहे. 

बेळगाव: तरुणांच्या दोन गटात जबरदस्त हाणामारी झाल्याने चार जण जखमी झाले आहेत. तर परिसरात पोलिसांनी कडक बंदोबस्त ठेवण्यात आला आहे. 

रामजन्मभूमी  ट्रस्टमध्ये 15 सदस्य असणार असल्याची माहिती केंद्रीय गृहमंत्री अमित शहा यांनी ट्वीटरच्या माध्यमातून दिली आहे.

मराठा आरक्षणास स्थगिती देण्यास सर्वोच्च न्यायालयाने दिला आहे. या प्रकरणाची पुढची सुनावणी येत्या 17 तारखेला होणार आहे. मराठा आरक्षणावरुन राज्यभर आंदोलन पेटले होते.

ट्विट