दिल्लीत आंदोलन करणाऱ्या शेतकऱ्यांना घरी परत जाण्याचे आवाहन; 26 जानेवारीच्या ताज्या मराठी बातम्या आणि ब्रेकिंग न्यूज LIVE

मुख्यमंत्री एम. एल खट्टर यांच्या अध्यक्षतेखाली हरियाणा मंत्रिमंडळाची विशेष बैठक झाली. दरम्यान आंदोलन करणार्‍या शेतकर्‍यांना त्यांच्या घरी परत जाण्याचे आवाहन केले आहे. ट्विट-

दिल्लीतील आंदोलनशील शेतकऱ्यांना दहशतवादी म्हणून संबोधल्याबद्दल कॉंग्रेस कार्यकर्त्यांनी बेंगळुरू येथील हाय ग्राउंड्स पोलिस स्टेशनमध्ये कर्नाटकचे राज्यमंत्री बी.सी. पाटील यांच्याविरोधात तक्रार दाखल केली.

आजच्या ट्रॅक्टर रॅली दरम्यान द्वारका जिल्ह्यात झालेल्या हिंसाचारात मोहन गार्डन पोलिस स्टेशनच्या एसएचओसह 30 पोलिस कर्मचारी गंभीर जखमी झाले आहेत. या संदर्भात तीन एफआयआर नोंदविण्यात आल्या आहेत. दिल्ली पोलिसांनी ही माहिती दिली.

दिल्लीत ट्रॅक्टर रॅलीदरम्यान झालेल्या हिंसाचारानंतर शहरात तणाव निर्माण झाला होता. त्यानंतर आता धौला कुआं ते नरैना पर्यंत वाहतूक सुरुळीत झाली असल्याची माहिती दिल्ली ट्राफिक पोलिसांनी दिली आहे. ट्विट-

देशातील जवळजवळ 20.39 लाख हेल्थवर्कर्सला लस दिली गेल्याची केंद्रीय आरोग्य मंत्रालयाने माहिती दिली आहे.

ट्रॅक्टर परेडमध्ये 83 पोलीस जखमी झाल्याची माहिती समोर आली आहे.

महाराष्ट्रात आज कोरोनाचे आणखी 2405 रुग्ण आढळले असून 47 जणांचा बळी गेला आहे.

हरियाणाचे मुख्यमंत्री लाल खट्टर यांनी बोलावली उच्चस्तरीय बैठक बोलावली आहे.

पंजाबचे मुख्यमंत्री कॅप्टन अमरिंदर सिंह यांचे राज्यासाठी हाय अलर्टचे आदेश दिले असून नियमांचे उल्लंघन होऊ नये यासाठी DGP यांना निदर्शन दिले गेले आहेत.

आंदोलक शेतकऱ्याचा ट्रॅक्टर बॅरिगेट्सला धडकल्याने मृत्यू झाला आहे.

राजस्थान येथे  6849 पक्षांचा 25 डिसेंबर ते 26 जानेवारी दरम्यान मृत्यू झाला आहे.

केरळात कोरोनाचे आणखी 6293 रुग्ण आढळले आहेत.

  पिरागढी चौकात आंदोलक शेतकऱ्यांनी बॅरिगेट तोडून पंजाब बाग येथे  कूच केली आहे.

पंजाब, हरियाणा, वेस्टर्न उत्तर प्रदेशातील शेतकरी शिस्तबद्ध पद्धतीने आंदोलन करत असून सरकार त्यांना गांभिर्याने घेत नाहीय असे राष्ट्रवादी काँग्रेसचे अध्यक्ष शरद पवार यांनी म्हटले आहे.

इटलीचे पंतप्रधान Giuseppe Conte यांनी राजीनामा दिल्याचे  Reuters ने वृत्त दिले आहे.

अटारी वाघा बॉर्डवर Beating Retreat सुरु  असून त्याचे थेट प्रक्षेपण तुम्हाला येथे पाहता येणार आहे.

बांग्लादेशाचे पंतप्रधान शेख हसीना यांनी प्रजासत्ताक दिनानिमित्त पंतप्रधान नरेंद्र मोदी यांना शुभेच्छा दिल्या आहेत.

मुंबईच्या आझाद मैदानात आलेले श्रमिक, शेतकरी घरी परतण्यास सुरूवात झाल्याची माहिती AIKS ने दिली आहे. दरम्यान आज सकाळी एका आजीबाईंनी ध्वजारोहण केले.

केंद्रीय  गृहमंत्री अमित शाह यांच्याकडून  दिल्लीतील कायदा व सुव्यवस्था परिस्थितीचा आढावा  घेण्यात आला आहे अशी सूत्रांची माहिती आहे.

दिल्लीमध्ये आज प्रजासत्ताक दिनी झालेला प्रकार आंदोलक आणि सरकारलाही शोभत नाही  अशी प्रतिक्रिया संजय राऊत यांनी दिली आहे. दरम्यान सरकारला आत्मचिंतनाची गरज असल्याचं त्यांनी म्हटलं आहे.