पंतप्रधान नरेंद्र मोदी यांनी मानले गुजरातच्या जनतेचे आभार; 10 नोव्हेंबर 2020 च्या ताज्या मराठी बातम्या आणि ब्रेकिंग न्यूज LIVE

पंतप्रधान नरेंद्र मोदी यांनी गुजरातच्या जनतेचे आभार मानले आहेत. ते म्हणाले, 'गुजरात आणि भाजपमधील नाते हे अतूट आहे. हा स्नेह पुन्हा एकदा 8 पोट-मतदानात दिसून आला. या समर्थनाबद्दल मी गुजरातच्या जनतेचे आभार मानतो. रूपाणीजींच्या नेतृत्वात स्थानिक युनिट आणि राज्य सरकारच्या कार्याचे मी कौतुक करतो.'

गतविजेत्या मुंबई इंडियन्सने दुबई येथे झालेल्या शिखर लढतीत दिल्ली कॅपिटल्सचा पाच विकेट्सने पराभूत करून पाचवे आयपीएल विजेतेपद पटकावले

राजस्थानच्या जोधपूर जिल्ह्यात बांधकाम सुरू असलेल्या फॅक्टरीची भिंत कोसळून सहा मजूर ठार, तर दहा जण जखमी झाले आहेत. पोलिसांनी याबाबत माहिती दिली.

मुंबईमध्ये आज कोरोना विषाणूच्या 535 रुग्णांची नोंद झाली असून, एकूण रुग्ण संख्या 2,65,677 वर पोहोचली आहे. आज शहरामध्ये 19 रुग्णांचा मृत्यू झाला असून, एकूण मृत्यू संख्या 10,481 झाली आहे.

Manipur Bypolls: मणिपूर बायपोल्समध्ये भारतीय जनता पक्षाने चार जागा जिंकल्या आहेत आणि अपक्ष उमेदवाराने एक जागा जिंकली.

येत्या द्वैवार्षिक निवडणुकांसाठी कॉंग्रेसने दोन उमेदवारांची यादी महाराष्ट्र विधानपरिषदेला जाहीर केली. यामध्ये अभिजित वंजारी आणि जयंती आसगावकर यांचा समावेश आहे.

महाराष्ट्रात आज कोरोना विषाणूच्या 3,791 रुग्णांची नोंद झाली आहे. यासह एकूण रुग्णांची संख्या 17,26,926 वर पोहोचली आहे. आज 46 रुग्णांच्या मृत्यूसह एकूण मृत्यू झालेल्या रुग्णांची संख्या 44,435 झाली आहे.

गुजरात बायपोल्स 2020 मध्ये निवडणुकीच्या रिंगणात असलेल्या आठही जागा भाजपाने जिंकल्या आहेत.

सायंकाळी 5.30 पर्यंत 2.7 कोटी ईव्हीएम मतांची मोजणी झाली आहे. बिहार विधानसभा निवडणुकीत एकूण 4 कोटींपेक्षा जास्त मतदान झाले. निवडणूक आयोगाने याबाबत माहिती दिली.

पुणे शहरात आज नव्याने 185 कोरोनाबाधित रुग्णांची नोंद झाली असून, पुणे शहरातील एकूण संख्या आता 1 लाख 63 हजार 619 इतकी झाली आहे. 

पंजाब सरकारने राज्यातील कंटेंटमेंट झोन बाहेरील क्षेत्रात हॉटेल्समधील बार, शॉपिंग मॉल्स आणि मल्टिप्लेक्स पुन्हा सुरू करण्यास परवानगी दिली आहे.

रिपब्लिक टीव्हीचे मुख्य संपादक अर्णब गोस्वामी यांनी दाखल केलेल्या अपीलवर सर्वोच्च न्यायालय उद्या सुनावणी करणार आहे. आत्महत्या प्रकरणात मुंबई उच्च न्यायालयाने त्यांना अंतरिम जामीन देण्यास नकार दिल्याने त्यांनी या आदेशाला सर्वोच्च न्यायालयात आव्हान दिले आहे.

फिल्म निर्माता फिरोज नाडियाडवाला यांची पत्नी शबाना सईद यांना मुंबई कोर्टाकडून जामीन मंजूर करण्यात आला आहे. 15 हजार रुपयांच्या वैयक्तिक बाँडवर जामीन मंजूर केला. NCB कडून 8 नोव्हेंबर रोजी ड्रग्स संबंधित प्रकरणात त्यांना अटक करण्यात आली होती.

मध्य प्रदेश: इंदोर मध्ये काँग्रेस उमेदवार Premchand Guddu यांचा आक्रमक पवित्रा घेतला आहे. मतमोजणीत गैरप्रकार केल्याचा भाजप वर आरोप केला असून कोर्टात जाण्याचा इशाराही त्यांनी दिला. (Watch Video)

पोटनिवडणुकीत भाजपा ने 2017 च्या विधानसभा आणि 2019 च्या लोकसभा निवडणुकांच्या कामगिरीची पुनरावृत्ती केली. यावरुन दिसून येते की आगामी निवडणुकांमध्येही भाजपा चांगली कामगिरी करेल.- उत्तर प्रदेशचे मुख्यमंत्री योगी आदित्यनाथ

तामिळनाडू: मदुराई मध्ये नियमांचे पालन करत थिएटर्स आजपासून सुरु करण्यात आली आहेत.

सामाजिक न्यायमंत्री धनंजय मुंडे यांना लीलावती रुग्णालयात दाखल केले आहे. तीव्र पोटदुखीमुळे गेल्या काही दिवसांपासून ते त्रस्त होते. दरम्यान, त्यांची प्रकृती स्थिर असून उपचार घेऊन मी पुन्हा जनसेवेत हजर होईन, अशी माहिती त्यांनी स्वत: ट्विट करत दिली आहे.

Jammu & Kashmir: शोपियानच्या कुटपोरा परिसरातून एके रायफल, एक पिस्तूल आणि एक ग्रेनेड लाँचर जप्त करण्यात आले आहे. आज सकाळपासूनच दहशतवादी आणि सुरक्षारक्षक यांच्यात चकमक सुरु होती. 

एसटीला आर्थिक मदत म्हणून एक हजार कोटींचे पॅकेज जाहीर करण्यात आल्याची माहिती परिवहन मंत्री अनिल परब यांनी दिली आहे. त्याचबरोबर मागील 3 महिन्यांचे थकित वेतनही दिवाळीपूर्वी देण्याचे आश्वासन त्यांनी दिले आहे.

मध्य प्रदेशः विधानसभा पोटनिवडणुकीच्या मतमोजणीत भाजप आघाडीवर कार्यकर्त्यांनी आणि समर्थकांचा इंदूरमध्ये पक्ष कार्यालयाबाहेर जल्लोष केला.