Applications For SEBI Chairman Post: सेबीला मिळणार नवीन अध्यक्ष, सरकारने मागवले अर्ज; पगार आणि पात्रतेसह जाणून घ्या अटी

Applications For SEBI Chairman Post: भांडवली बाजार नियामक म्हणजेच सिक्युरिटीज अँड एक्सचेंज बोर्ड ऑफ इंडिया (SEBI) च्या नवीन अध्यक्षांचा शोध सुरू झाला आहे. सेबीने नवीन अध्यक्षांसाठी अर्ज मागवले आहेत. विद्यमान अध्यक्षा माधवी पुरी बुच (Madhabi Puri Buch) यांचा तीन वर्षांचा कार्यकाळ 28 फेब्रुवारी रोजी संपत आहे. पीटीआयच्या वृत्तानुसार, बुच यांनी 2 मार्च 2022 रोजी सेबीचे अध्यक्षपद स्वीकारले होते.

17 फेब्रुवारीपर्यंत करू शकता अर्ज -

बातमीनुसार, अर्थ मंत्रालयाच्या अंतर्गत येणाऱ्या आर्थिक व्यवहार विभागाने एका सार्वजनिक जाहिरातीत 17 फेब्रुवारीपर्यंत उमेदवारांकडून अर्ज मागवले आहेत. अर्थ मंत्रालयाने म्हटले आहे की, नियुक्ती पदभार स्वीकारल्यापासून जास्तीत जास्त 5 वर्षांसाठी किंवा नियुक्त व्यक्तीचे वय 65 वर्षे पूर्ण होईपर्यंत, जे आधी असेल तोपर्यंत केली जाईल. (हेही वाचा - Hindenburg Alleges SEBI Chairperson: अदानी मनी सिफोनिंग स्कँडलमध्ये सेबी अध्यक्षांचा सहभाग, हिंडनबर्ग रिसर्चचा खळबळजनक आरोप)

सेबीच्या अध्यक्षांना मिळणार इतका पगार -

जाहिरातीनुसार, अध्यक्षांना भारत सरकारच्या सचिवांइतकेच वेतन मिळेल जे दरमहा 5,62,500 रुपये आहे. (हेही वाचा, Hindenburg Research Shares Cryptic Post: 'भारतात काहीतरी मोठे घडणार' हिंडनबर्गचे ट्विट; शेअर बाजार, उद्योगविश्वात खळबळ)

पात्रता -

मंत्रालयाने आपल्या जाहिरातीत म्हटले आहे की, नियामक म्हणून सेबीची भूमिका आणि महत्त्व लक्षात घेता, उमेदवाराकडे उच्च प्रामाणिकपणा आणि प्रतिष्ठा असावी. तसेच, वय 50 वर्षांपेक्षा जास्त असावे आणि 25 वर्षांपेक्षा जास्त व्यावसायिक अनुभव असावा. याव्यतिरिक्त, उमेदवाराकडे सिक्युरिटीज मार्केटशी संबंधित समस्यांना तोंड देण्याची क्षमता असणे आवश्यक आहे किंवा कायदा, वित्त, अर्थशास्त्र, अकाउंटन्सी या विषयांचे विशेष ज्ञान किंवा अनुभव असणे आवश्यक आहे, जे केंद्र सरकारच्या मते मंडळासाठी उपयुक्त ठरेल.

याशिवाय, अध्यक्ष ही अशी व्यक्ती असेल ज्याचे कोणतेही आर्थिक किंवा इतर हितसंबंध नसतील. वित्तीय क्षेत्र नियामक नियुक्ती शोध समितीच्या शिफारशीनुसार सरकार सेबीच्या अध्यक्षांची नियुक्ती करेल. या पदासाठी अर्ज न केलेल्या गुणवत्तेच्या आधारे इतर कोणत्याही व्यक्तीची शिफारस करण्यास समिती स्वतंत्र आहे.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)