Satyendar Jain: मनी लाँड्रिंग प्रकरणात अटक करण्यात आलेल्या दिल्लीचे मंत्री सत्येंद्र जैन यांना 9 जूनपर्यंत ईडी कोठडीत
मात्र, ईडीने 14 दिवसांची कोठडी मागितली होती. सतेंद्र जैन यांच्यावर कोलकाता येथील एका कंपनीशी संबंधित हवाला व्यवहाराचा आरोप आहे. ईडीच्या वतीने तुषार मेहता यांनी फेब्रुवारी 2015 ते मे 2017 या कालावधीत पैशांचे व्यवहार झाल्याची माहिती न्यायालयाला दिली.
दिल्ली सरकारमधील (Delhi Govt) मंत्री आणि आम आदमी पक्षाचे (AAP) नेते सत्येंद्र जैन (Satyendar Jain) यांची भ्रष्टाचार प्रकरणी अंमलबजावणी संचालनालय (ED) चौकशी करणार आहे. त्यांना सोमवारी अटक करण्यात आली. न्यायालयाने सत्येंद्र जैन यांना 9 जूनपर्यंत ईडी कोठडी सुनावली आहे. मात्र, ईडीने 14 दिवसांची कोठडी मागितली होती. सतेंद्र जैन यांच्यावर कोलकाता येथील एका कंपनीशी संबंधित हवाला व्यवहाराचा आरोप आहे. ईडीच्या वतीने तुषार मेहता यांनी फेब्रुवारी 2015 ते मे 2017 या कालावधीत पैशांचे व्यवहार झाल्याची माहिती न्यायालयाला दिली. हवालामध्ये पैसे कसे गुंतवले गेले आणि दिल्लीहून कोलकाता येथे पैसे कसे पाठवले गेले याचीही माहिती आमच्याकडे असल्याचे ईडीने म्हटले आहे. ज्या बनावट कंपन्यांचा सहारा घेण्यात आला आहे, त्या कोलकाताशी संबंधित आहेत.
याआधी एप्रिलमध्येही जैन यांच्या कुटुंबाची 4.81 कोटी रुपयांची संपत्ती आणि कंपन्या मनी लाँड्रिंग प्रकरणात सक्तवसुली संचालनालयाने जप्त केल्या होत्या, त्यानंतर दिल्ली भाजप नेते आणि कार्यकर्त्यांनी आप (AAP) सरकारमधील मंत्री सत्येंद्र जैन यांच्याविरोधात तक्रार दाखल केली होती. त्यांनी जंतरमंतरवर धरणे धरले आणि जैन यांना बडतर्फ करण्याची मागणी केली. अटक झाल्यापासून भाजप आणि इतर पक्ष आम आदमी पार्टीवर हल्लेखोर बनले आहेत. (हे देखील वाचा: दिलासादायक! केंद्राने PMEGP वित्त वर्षे 2025-26 पर्यंत वाढवला, 40 लाख नवीन रोजगार निर्माण होणार, जाणून घ्या सविस्तर)
Tweet
केजरीवाल बचावात, म्हणाले- मी संपूर्ण प्रकरणाची दिली माहिती
दुसरीकडे, दिल्लीचे मुख्यमंत्री अरविंद केजरीवाल मंगळवारी मीडियासमोर आले आणि त्यांनी सत्येंद्र जैन यांचा बचाव केला आणि आम्ही (AAP) भ्रष्टाचार सहन करत नाही आणि भ्रष्टाचारही करत नाही, असे म्हटले आहे. या संपूर्ण प्रकरणाची मी स्वतः चौकशी केली आहे. संपूर्ण प्रकरण बनावट आहे. आमचे सरकार हे कट्टर प्रामाणिक सरकार आहे. सत्येंद्र जैन यांना राजकीय कारणावरून लक्ष्य केले जात आहे. कायदा आणि सुव्यवस्थेवर आमचा पूर्ण विश्वास आहे. केजरीवाल म्हणाले की, आमच्याकडे कट्टर प्रामाणिक सरकार आहे. आम्हाला एका पैशाचाही भ्रष्टाचार सहन होत नाही. पंजाबमध्ये आम्ही आमच्याच मंत्र्याला अटक केली पण सत्येंद्र जैन यांची केस पूर्णपणे खोटी आहे.