जर सरकारने कृषी कायदे रद्द केले नाहीत तर शेतकरी संसदेला घेराव घालतील- राकेश टिकैत; 23 फेब्रुवारी 2021 च्या ताज्या मराठी बातम्या आणि ब्रेकिंग न्यूज LIVE

जर सरकारने कृषी कायदे रद्द केले नाहीत तर शेतकरी संसदेला घेराव घालतील, असे राजस्थानच्या सीकरमधील किसान महापंचायतीत शेतकरी नेते राकेश टिकैत म्हणाले आहेत.

पाच राज्यांतील विधानसभा निवडणुकांचे वेळापत्रक अंतिम करण्यासाठी उद्या निवडणूक आयोगाची बैठक होणार आहे.

मध्य प्रदेश मध्ये मागील 24 तासांत 248 नवे कोरोनाचे रुग्ण आढळले असून एकूण कोरोना बाधितांची संख्या 2 लाख 59 हजार 969 वर पोहोचली आहे.

टूलकिट प्रकरणात अटक करण्यात आलेल्या दिशा रवीची दिल्लीच्या तिहार तुरुंगातून बाहेर आली आहे. दिशाला आज कोर्टाने जामीन मंजूर केला होता.

राजस्थान मध्ये 76 नव्या रुग्णांसह कोरोना बाधितांची एकूण संख्या 3,19,702 वर पोहोचली आहे.

औरंगाबाद येथे कोरोनाचे रुग्ण वाढत असल्याने 8 मार्च पर्यंत नाईट कर्फ्यू लागू  करण्यात आला आहे.

अंधेरी येथून ड्रग्ज पेडलर अकबर चौकट याला एनसीबी कडून अटक करण्यात आली आहे.

दिल्लीतील बुरारी येथील एका घरावर छापेमारी करत Alprazolam च्या 2700 गोळ्या, Tramadol च्या 2835 गोळ्या आणि 100 Ampoules injections सह 6.9 किलोचे Codeine मुंबई NCB कडून जप्त करण्यात आले आहे.

मुख्यमंत्री विजय रुपाणी आणि गुजरात राज्यातील भाजप प्रमुख सीआर पाटील यांनी  केंद्रीय गृहमंत्री अमित शहा यांची भेट  घेतली आहे.

भाजपचा निवडणूकीत 85 टक्के विजय झाल्याचे केंद्रीय गृहमंत्री अमित शहा यांनी म्हटले आहे.

राष्ट्रपती रामनाथ कोविंद यांनी व्ही नारायणस्वामी यांचा  राजीनामा स्विकारला आहे.

महाराष्ट्रात मागील 24 तासांत 6218 नवे कोरोनाचे रुग्ण आढळले असून 51 रुग्णांचा मृत्यू झाला आहे. यामुळे राज्यात कोरोना बाधितांची एकूण संख्या 21,12,312 वर पोहोचली आहे.

आँध्र प्रदेशात कोरोनाचे आणखी 70 नवे रुग्ण आढळले असून गेल्या 24 तासात एकाचा मृत्यू  झाला आहे.

सुरत महापालिका निवडणूकीत 27 जागांवर विजय मिळवल्याने आम आदमी पक्षाच्या कार्यकर्त्यांकडून जल्लोष केला जात आहे.

राजकोट महापालिका निवडणूकीत भाजपचा 68 जागांवर विजय तर काँग्रेसला 4 जागा मिळाल्या आहेत.

दिशा रवि जरी टूलकिट प्रकरणी जामीन मिळाला असला तरीही तिला कोर्टाच्या परवानगीशिवाय देश सोडून जाता येणार नाही असे स्पष्ट करण्यात आले आहे.

पंजाबचे आरोग्यमंत्री बलबीर सिंह सिद्धू यांनी प्रत्येक जिल्ह्यासाठी अशा 22 रुग्णवाहिकांसाठी फ्लॅग ऑफ केले आहे.

मुंबई उच्च न्यायालयाच्या नागपूर खंडपीठाकडून वरवरा राव यांना अंतरिम जामीन मंजूर करण्यात आला आहे. 2016 मध्ये झालेल्या सूरजागड लोह खनिज जाळपोळ प्रकरणात वैद्यकीय कारणावरून वरवरा राव यांना अंतरिम जामीन मंजूर करण्यात आला आहे.

माझी सर्व नागरिकांना विनंती आहे, कोरोनाचा फैलाव टाळण्यासाठी आपण नियमांचे काटेकोर पालन करूया. 'कोरोना मला होणार नाही', 'कोरोना संपला' असा निष्कर्ष काढून नियमांकडे दुर्लक्ष करू नका. अनेक शहरांत रुग्णसंख्या वाढत आहे. हे चिंताजनक आहे. हे टाळण्यासाठी स्वयंशिस्त हाच प्रमुख मार्ग आहे, असे काँग्रेस आमदार धिरज देशमुख यांनी केले आहे.

टूलकिट प्रकरणी दिशा रवीला तिच्या एक दिवसाच्या पोलिस कोठडीनंतर पटियाला हाऊस कोर्टात हजर करण्यात आले.