Sanjay Bhandari Extradition: फरार शस्त्रास्त्र व्यापारी संजय भंडारीच्या प्रत्यार्पणाला ब्रिटनच्या न्यायालयाने दिली परवानगी; लवकरचं भारतात आणण्यात येणार

Sanjay Bhandari Extradition: शस्त्रास्त्र व्यापारी संजय भंडारी (Sanjay Bhandari) ला लवकरच भारतात आणले जाऊ शकते. ब्रिटनच्या वेस्टमिन्स्टर कोर्टाने भंडारी यांचे भारताकडे प्रत्यार्पण (Extradition) करण्यास मान्यता दिली आहे. संजय भंडारी यांना 2020 मध्ये त्याला अटक करण्यात आली होती. भंडारी यांच्यावर करचोरी आणि मनी लाँड्रिंगचे आरोप आहेत. तसेच त्याच्यावर काही संरक्षण सौद्यांमध्ये लाच घेतल्याचा आरोप आहे. यूपीए सरकारच्या काळात झालेल्या शस्त्रास्त्रांच्या सौद्यांमध्ये त्याला विदेशी कंपन्यांकडून 400 कोटी रुपयांची देयके मिळाल्याचा आरोप आहे.

भारत सरकारने संजय भंडारीला आधीच फरारी घोषित केले आहे. तो ब्रिटनला पळून गेल्यापासून त्याला भारतात आणण्याचे प्रयत्न सुरू आहेत. भारत सरकारने ब्रिटन सरकारलाही अनेक आवाहने केली होती. त्यानंतर 16 जून 2020 रोजी ब्रिटनच्या तत्कालीन गृहमंत्री प्रिती पटेल यांनी भंडारीची प्रत्यार्पणाची विनंती मान्य केली आणि त्यांना अटक करण्यात आली. आता वेस्टमिनिस्टर न्यायालयाच्या निर्णयाने भंडारी यांच्या अडचणीत आणखी वाढ झाली आहे. (हेही वाचा - Gurupurab: पाकिस्तानमधील भारतीय वाणिज्य दूतांची टीम गुरुपूरबसाठी पाकिस्तानला भेट देणाऱ्या शीख जथ्यांना करतेय मदत)

भंडारींवर काय आरोप?

खरे तर भंडारी यांच्यावर मोठ्या प्रमाणात काळा पैसा परदेशात पाठवल्याचा आरोप आहे. कर भरू नये म्हणून भंडारी याने साथीदारांच्या मदतीने भरपूर पैसे बाहेर पाठवले. त्यामुळे नॅशनल एक्स्चेंजरचे मोठे नुकसान झाले. त्यानंतर संजय भंडारी यांचे प्रियंका गांधी यांचे पती रॉबर्ट वाड्रा यांच्याशी असलेले संबंधही समोर आले. वढेरा यांच्या 2012 च्या फ्रान्स दौऱ्याबाबत 2016 मध्ये प्राप्तिकर विभागाने भंडारी यांना अनेक प्रश्न विचारले होते.

संरक्षण सौद्यांमध्ये लाच घेतल्याचा आरोप

आयकर विभागाच्या माहितीनुसार भंडारी यांची अनेक परदेशी कंपन्यांमध्ये मालमत्ता आहे. मात्र त्याबाबत पारदर्शकता नाही आणि आजपर्यंत भंडारी यांनी त्याबाबत कोणतीही माहिती प्राप्तिकर विभागाला दिलेली नाही. या सगळ्याशिवाय संजय भंडारी यांच्यावर आणखी एक मोठा आरोप सुरू आहे. त्याच्यावर संरक्षण सौद्यांमध्ये लाच घेतल्याचा आरोप आहे.

दरम्यान, 2016 मध्ये आयकर विभागाने संजय भंडारी यांच्या निवासस्थानावर छापा टाकला. तेव्हा तेथून संरक्षण मंत्रालयाची गुप्त कागदपत्रे मिळाली होती. तेव्हा हे अधिकृत गुपित कायद्याचे संभाव्य उल्लंघन मानले गेले. त्यानंतरच भंडारी यांच्याविरोधात लुक आऊट नोटीस जारी करण्यात आली. भंडारी भारत सोडून परदेशात पळून गेले. सध्या संजय भंडारी वेस्टमिन्स्टर न्यायालयाच्या निर्णयाला उच्च न्यायालयात आव्हान देऊ शकतात. अशा स्थितीत त्याच्या येण्याची वाट पाहण्यास बराच वेळ लागू शकतो.