Pakistan New Prime Minister: शाहबाज शरीफ सांभाळणार पाकिस्तानची कमान; सलग दुसऱ्यांदा झाले पंतप्रधान
Shehbaz Sharif (PC- Facebook)

Pakistan New Prime Minister: नॅशनल असेंब्लीमध्ये रविवारी शेहबाज शरीफ (Shehbaz Sharif) यांची पाकिस्तानचे पुढील पंतप्रधान (Pakistan New Prime Minister) म्हणून निवड करण्यात आली. पाकिस्तानचे 24 वे पंतप्रधान निवडण्यासाठी नॅशनल असेंब्लीमध्ये मतदान झाले. शेहबाज शरीफ यांनी रविवारी नवनिर्वाचित संसदेत बहुमत मिळवले. रविवारी, मतदानानंतर त्यांची पंतप्रधानपदी निवड झाली. पाकिस्तान मुस्लीम लीग-नवाझ (पीएमएल-एन) आणि पाकिस्तान पीपल्स पार्टी (पीपीपी) यांचे एकमताने उमेदवार असलेले 72 वर्षीय शेहबाज यांना 336 सदस्यांच्या सभागृहात 201 मते मिळाली. शहबाज शरीफ यांनी त्यांचे प्रतिस्पर्धी उमर अयुब खान यांचा पराभव केला.

शेहबाज शरीफ यांना 201 मते मिळाली आणि ओमर अयुब खान यांना राष्ट्रीय असेंब्लीमध्ये केवळ 92 मते मिळाली. पीटीआय समर्थित खासदारांनी गदारोळ आणि घोषणाबाजी करत नवीन संसदेचे अधिवेशन बोलावले. शाहबाज यांना सोमवारी राष्ट्रपती भवन ऐवान-ए-सदर येथे मंत्रिपदाची शपथ दिली जाईल. (हेही वाचा -Putin warns of nuclear war: रशियाचे राष्ट्राध्यक्ष व्लादिमीर पुतीन यांनी पाश्चात्य देशांना दिला परमाणु युद्धाचा इशारा)

माजी पंतप्रधान नवाझ शरीफ यांच्या नेतृत्वाखालील पीएमएल-एनला देशात 8 फेब्रुवारी रोजी झालेल्या निवडणुकांनंतर आघाडी सरकारचे नेतृत्व करण्यासाठी माजी परराष्ट्र मंत्री बिलावल भुट्टो-झरदारी यांच्या नेतृत्वाखालील पाकिस्तान पीपल्स पार्टी (पीपीपी) चा पाठिंबा मिळाला आहे. पीपीपीशिवाय शेहबाज शरीफ यांना एमक्यूएम-पी आणि इतर पक्षांचा पाठिंबा आहे.