Operation Midnight Hammer: ट्रम्प यांचा दावा – इराणच्या अण्वस्त्र केंद्रांवर भीषण हल्ला, सत्ताबदलाचा इशारा?

अमेरिकेचे राष्ट्राध्यक्ष डोनाल्ड ट्रम्प () यांनी दावा केला आहे की, इराणमधील अण्वस्त्र केंद्रांवर (Iran Nuclear Sites) 'प्रचंड नुकसान' झाले असून, याला 'Obliteration' (पूर्ण नष्ट होणे) हा शब्द योग्य ठरेल. त्यांनी हा दावा Truth Social या स्वतःच्या सोशल मीडिया प्लॅटफॉर्मवर केला आहे. त्यांनी आपल्या सोशल मीडिया पोस्टमध्ये म्हटले की, 'Satellite Images' द्वारे हे स्पष्ट होते की, इराणमधील सर्व अण्वस्त्र स्थळांवर Monumental Damage झाले आहे. Obliteration Is An Accurate term! ही पांढरी संरचना दगडात खोलवर बसवलेली आहे, तिचे छप्परही जमिनीखाली आहे, आणि ती पूर्णपणे आगीतून सुरक्षित आहे. सर्वात मोठे नुकसान जमिनीखाली खोलवर झाले आहे. Bullseye!" असे ट्रम्प यांनी म्हटले. हे विधान अमेरिकेने Operation Midnight Hammer अंतर्गत इराणमधील तीन प्रमुख अण्वस्त्र केंद्रांवर – Fordow, Natanz आणि Isfahan – केलेल्या सर्जिकल स्ट्राइकनंतर दुसऱ्याच दिवशी आले आहे. या हल्ल्यांमध्ये अमेरिकेच्या लष्कराने अचूक लक्ष्य साधले.

इराणमध्ये सत्ताबदलाची शक्यता?

डोनाल्ड ट्रम्प यांनी इराणमध्ये सत्ताबदलाची शक्यता देखील सूचित केली. Truth Social वरील आणखी एका पोस्टमध्ये त्यांनी लिहिले, 'Regime Change' हा शब्द वापरणे राजकीयदृष्ट्या योग्य नाही, पण जर सध्याचे इराणी शासन 'MAKE IRAN GREAT AGAIN' करू शकत नसेल, तर सत्ताबदल का होऊ नये? ते पुढे म्हणाले, इराणमधील अण्वस्त्र केंद्रांवरील हल्ला 'Monumental' होता. आमच्या लष्कराने अचूक आणि ताकदवान वार केले. अत्यंत कौशल्य दाखवले. (हेही वाचा, US Attack On Iran: अमेरिकेचा इराणी आण्विक स्थळांवर संयुक्त हल्ला; Donald Trump यांची माहिती)

तीन अण्वस्त्र केंद्रांवर अचूक हल्ले

अमेरिकेचे संरक्षण सचिव पीट हेगसेथ यांनी पत्रकार परिषदेत या हल्ल्याची अधिकृत पुष्टी केली. Air Force General Dan Caine, जे Joint Chiefs of Staff चे अध्यक्ष आहेत, त्यांच्यासह झालेल्या या ब्रीफिंगमध्ये हेगसेथ म्हणाले, काल रात्री, अध्यक्ष ट्रम्प यांच्या आदेशानुसार, US Central Command ने रात्रीच्या अंधारात इराणमधील तीन अण्वस्त्र केंद्रांवर अचूक हल्ले केले – Fordow, Isfahan आणि Natanz – ज्यामुळे इराणच्या अणु कार्यक्रमाला जबरदस्त फटका बसला. (हेही वाचा, Nobel Peace Prize 2026: डोनाल्ड ट्रम्प यांची नोबेल शांतता पुरस्कारासाठी पाकिस्तानकडून शिफारस)

इराणचा अणु कार्यक्रम पूर्णपणे उद्ध्वस्त?

हेगसेथ यांनी स्पष्ट केले की हा हल्ला इराणच्या सैनिकांवर किंवा नागरिकांवर नव्हता, तर केवळ अणु क्षमतेवर केंद्रित होता. आमच्या Commander-in-Chief कडून मिळालेला आदेश अत्यंत स्पष्ट, शक्तिशाली आणि केंद्रित होता. आम्ही इराणचा अणु कार्यक्रम पूर्णपणे उद्ध्वस्त केला, असे त्यांनी ठामपणे सांगितले. त्यांनी हेही नमूद केले की, ही कारवाई सत्ताबदलासाठी नव्हती, परंतु इराणच्या अणूकेंद्रांना मोठा धक्का देण्यासाठी होती. “It was not and has not been about regime change,” असे स्पष्ट करत त्यांनी इराणविरोधातील या ऑपरेशनचा हेतू केवळ सामरिक असल्याचे सांगितले.

या घडामोडींमुळे जगभरात खळबळ उडाली असून, इराणच्या अणु क्षमतेविषयी अमेरिकेची भूमिका पुन्हा एकदा आक्रमक असल्याचे चित्र समोर आले आहे. ट्रम्प यांच्या वक्तव्यांमुळे पश्चिम आशियातील राजकीय वातावरण पुन्हा पेटण्याची शक्यता वर्तवली जात आहे.

(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)