Cryogenic Engine Test: इस्रोला मिळाले मोठे यश! क्रायोजेनिक इंजिन व्हॅक्यूम इग्निशन चाचणी केली यशस्वीरित्या पूर्ण

Cryogenic Engine Test: भारतीय अंतराळ संशोधन संस्था (इस्रो) ने पुन्हा एकदा एक नवीन कामगिरी केली आहे. इस्रोने शनिवारी क्रायोजेनिक इंजिनची व्हॅक्यूम इग्निशन चाचणी यशस्वीरित्या पार पाडली आहे. इस्रोने म्हटले आहे की, त्यांनी व्हॅक्यूम परिस्थितीत 'मल्टी-एलिमेंट इग्निटर' वापरून LVM3 च्या वरच्या टप्प्याला उर्जा देणाऱ्या स्वदेशी CE20 क्रायोजेनिक इंजिनची इग्निशन चाचणी यशस्वीरित्या पार पाडली आहे. शुक्रवारी तामिळनाडूतील महेंद्रगिरी येथील इस्रो प्रोपल्शन कॉम्प्लेक्समध्ये ही चाचणी घेण्यात आली, असे अंतराळ संस्थेने एका निवेदनात म्हटले आहे.

क्रायोजेनिक इंजिन चाचणी -

गगनयान मोहिमेसाठी हे इंजिन खूप महत्वाचे आहे. या मोहिमेअंतर्गत, भारत पहिल्यांदाच मानवांना अंतराळात पाठवणार आहे. अंतराळ उड्डाणादरम्यान व्हॅक्यूम परिस्थितीत क्रायोजेनिक इंजिन पुन्हा सुरू करणे गुंतागुंतीचे आहे, म्हणून अशा परिस्थितीत, इस्रो इंजिन पुन्हा सुरू करण्यासाठी केंद्रीय गॅस सिस्टमऐवजी बूटस्ट्रॅप मोडमध्ये टर्बोपंप वापरण्याचा शोध घेत आहे. (हेही वाचा - ISRO SpaDeX Mission: इस्रोची ऐतिहासिक कामगिरी स्पेडेक्स मोहिमेअंतर्गत चौथ्या प्रयत्नात अवकाशात लाँच केले 2 उपग्रह)

उड्डाणादरम्यान क्रायोजेनिक इंजिन बूटस्ट्रॅप मोडमध्ये सुरू करून पुन्हा सुरू करण्याची क्षमता वाढवण्यासाठी इस्रो अनेक चाचण्या करत आहे. पूर्वी, व्हॅक्यूम चेंबरच्या बाहेर जमिनीवर मल्टी-एलिमेंट इग्निटर वापरून इंजिन इग्निशन चाचणी केली जात असे.  (हेही वाचा -ISRO New Chief V. Narayanan: भारतीय अंतराळ संशोधन संस्थेच्या (इस्रो) अध्यक्षपदी नारायणन यांची नियुक्ती , उद्यापासुन स्विकारणार पदभार)

गगनयान मोहिमेसाठी क्रायोजेनिक इंजिन महत्त्वाचे -

दरम्यान, इस्रोने सांगितले आहे की, हे इंजिन एका स्टार्टसह उड्डाण करताना 19 टन ते 22 टन पर्यंतच्या थ्रस्ट लेव्हलवर काम करण्यास सक्षम आहे आणि गगनयान मोहिमेसाठी देखील योग्य आहे.