World Photography Day: फोटोग्राफीसाठी Best Camera घ्या जाणून

Best Camera for Photography: वर्ल्ड फोटोग्राफी डे (World Photography Day) अर्थात जागतिक छायाचित्र दिन निमित्त आपण जर कॅमेरा खरेदी करु इच्छित असाल ही माहिती आपल्यासाठी महत्त्वाची आहे. कोणता कॅमेरा वापरायचा हे आपण कोणत्या प्रकारचे छायाचित्र काढतो आहोत यावर अवलंबून असते. त्यामुळे पोर्ट्रेटसाठी वापरला जाणारा लँडस्केप फोटोग्राफी करण्यासाठी वापरला जाईलच असे नाही. तर क्रीडा, वन्यजीव किंवा इव्हेंट फोटोग्राफीसाठी असलेल्या कॅमेरापेक्षा व्यक्तिचे छायाचित्र टिपण्यासाठी वापरला जाणारा कॅमेरा अधिक वेगळा असू शकतो. म्हणूनच जाणून घ्या फोटोग्राफीसाठी Best Camera कोणता?

Sony a7R V Camera (लँडस्केप फोटोग्राफीसाठी उत्कृष्ट कॅमेरा)

तुम्हाला जर लँडस्केप फोटोग्राफी करायची असेल तर त्यासाठी आपण Sony a7R V Camera वापरु शकता. हा एक लँडस्केप फोटोग्राफी कॅमेरा आहे. ज्याला 61-मेगापिक्सेल Exmor R CMOS फुल-फ्रेम इमेज सेन्सर आहेत. शिवाय यामध्ये AI-प्रणालीवर चालणारी ऑटोफोकस यंत्रणा, सर्वोत्तम-इन-क्लास इलेक्ट्रॉनिक व्ह्यूफाइंडर आणि Pixel Shift यासह अतिरिक्त कॅप्चर मोडही आहेत. ज्यामुळे तुम्हाला फोटोग्राफीसाठी आणखी मजा येऊ शकते.

Fujifilm GFX 100S

तुमची आर्थिक क्षमता, वेग आणि चौफेर कार्यप्रणाली, लेन्स निवडीचा खर्च यांबाबत तुम्ही विचार करत असाल तर Fujifilm GFX 100S हे कॅमेरा मॉडेल चांगले आहे. रिझोल्यूशनला सर्वाधिक प्राधान्य देणाऱ्या लँडस्केप छायाचित्रकारांसाठी, Fujifilm GFX 100S हा एक सक्षम पर्याय आहे.

Nikon Z7 II

Nikon Z7 II हा खिशाला परवडणारा आणि हाताळण्यास अधिक सोपा असा कॅमेरा म्हणून ओळखला जातो. बाजारमध्ये हा कॅमेरा तीन ते चार हजार डॉलर्समध्ये वेगवेगळ्या फिचर्ससोबत तुम्हाला सहज मिळू शकतो. अर्थात किमतीमध्ये थोडाफार बदल होऊ शकतो. खरेदी करण्यापूर्वी तज्ज्ञांचा सल्ला जरुर घ्या.

Sony Alpha 1 (वन्यजीव फोटोग्राफीसाठी)

तुम्हाला जर Wildlife Photography आवडत असेल तर तुम्ही Sony Alpha 1 कॅमेरा वापरु शकता. कारण हा कॅमेरा मुळात वन्यजीव फोटोग्राफीसाठी वापरला जातो. गरजेनुसार आवश्यक रिझोल्युशन देणारा कॅमेरा अशीही त्याची ओळख आहे. तुम्ही जंगलात असताना वन्य प्राण्यांच्या अधिक जवळ जाऊ शकत नाही. अशा वेळी हा कॅमेरा अधिक फायद्याचा ठरतो. हा कॅमेरा पूर्ण-रिझोल्यूशन RAW फाइल्स प्रति सेकंद 30 फ्रेम्स पर्यंत कॅप्चर करते असे सांगितले जाते.

Canon EOS R6 Mark II

Canon EOS R6 Mark II हा एक गोलाकार लेन्स देणारा कॅमेरा आहे. ज्याला versatile म्हणूनही संबोधले जाते. हा कॅमेरा उत्कृष्ट कामगिरीसाठी RF 24-105mm लेन्ससह किटमध्ये येतो.

जागतिक छायाचित्रण दिन दरवर्षी 19 ऑगस्ट रोजी साजरा केला जातो. जागतिक स्तरावर फोटोग्राफीच्या कला, विज्ञान आणि हस्तकलेबद्दल लोकांमध्ये जागरूकता निर्माण करण्यासाठी हा दिवस ओळखला जातो. जागतिक छायाचित्रण दिन साजरा करणे ही सर्व छायाचित्रकारांसाठी त्यांची कौशल्ये दाखवण्याची आणि त्यांच्या कामाला जागतिक मान्यता मिळवून देण्याची संधी आहे.