Rafael Nadal Announces Retirement: स्पेनचा दिग्गज टेनिसपटू राफेल नदालने केली निवृत्तीची घोषणा; Davis Cup Finals असेल शेवटची स्पर्धा
राफेल नदालची गणना जगातील महान टेनिसपटूंमध्ये केली जाते. नोवाक जोकोविचनंतर सर्वाधिक ग्रँडस्लॅम जिंकणारा तो दुसरा टेनिस स्टार आहे. जोकोविचच्या नावावर 24 तर नदालच्या नावावर 22 विजेतेपद आहेत.
Rafael Nadal Announces Retirement: स्पेनचा दिग्गज टेनिसपटू राफेल नदालने (Rafael Nadal) निवृत्तीची घोषणा केली आहे. त्याने आपल्या शानदार कारकिर्दीत 22 ग्रँडस्लॅम जेतेपदे जिंकली. या वर्षी नोव्हेंबरमध्ये मलागा येथे होणारी डेव्हिस कप फायनल नदालची शेवटची स्पर्धा असेल. या वर्षाच्या सुरुवातीला पॅरिस ऑलिम्पिकनंतर तो एकही सामना खेळलेला नाही. 19 ते 21 नोव्हेंबर दरम्यान डेव्हिस कप फायनलमध्ये उपांत्यपूर्व फेरीत स्पेनचा सामना नेदरलँड्सशी होणार आहे. दुखापतीमुळे ग्रुप स्टेजला मुकल्यानंतर नदालचा संघात समावेश करण्यात आला होता.
निवृत्तीची घोषणा करताना एका व्हिडिओमध्ये नदाल म्हणाला की, जीवनातील प्रत्येक गोष्टीची सुरुवात आणि शेवट आहे. त्याला असे वाटते की, त्याच्या यशस्वी कारकीर्द संपवण्याची हीच योग्य वेळ आहे. तो म्हणाला की, दोन दशकांहून अधिक कालावधीच्या कारकिर्दीनंतर मी व्यावसायिक टेनिसमधून निवृत्ती घेत आहे. आपली शेवटची स्पर्धा डेव्हिस कप फायनल असेल, ज्यामध्ये तो आपल्या देशाचे प्रतिनिधित्व करेल, असेही त्याने सांगितले. याबद्दल तो खूप उत्साहित आहे.
वयाच्या 12 व्या वर्षापर्यंत नदाल टेनिस आणि फुटबॉल दोन्ही खेळला. पण त्याच्या काकांची इच्छा होती की त्याने टेनिसमध्येच करिअर करावे. तो 8 वर्षांचा असताना त्याने 12 वर्षांखालील वयोगटात विजेतेपद पटकावले. नदालला गेल्या काही वर्षांत दुखापतींचा सामना करावा लागला आहे. 38 वर्षीय राफेल नदालने दुखापतींमुळे मर्यादित स्पर्धा खेळल्या आहेत. (हेही वाचा: Asian Table Tennis Championship 2024: मनिका बत्रा आणि तिच्या टीमने टेबल टेनिसमध्ये रचला इतिहास, भारताला पहिल्यांदाच मिळणार पदक)
राफेल नदालने केली निवृत्तीची घोषणा-
Mil gracias a todos
Many thanks to all
Merci beaucoup à tous
Grazie mille à tutti
谢谢大家
شكرا لكم جميعا
תודה לכולכם
Obrigado a todos
Vielen Dank euch allen
Tack alla
Хвала свима
Gràcies a tots pic.twitter.com/7yPRs7QrOi
— Rafa Nadal (@RafaelNadal) October 10, 2024
राफेल नदालची गणना जगातील महान टेनिसपटूंमध्ये केली जाते. नोवाक जोकोविचनंतर सर्वाधिक ग्रँडस्लॅम जिंकणारा तो दुसरा टेनिस स्टार आहे. जोकोविचच्या नावावर 24 तर नदालच्या नावावर 22 विजेतेपद आहेत. 22 ग्रँडस्लॅम विजेतेपदांपैकी त्याने फ्रेंच ओपनच्या रूपाने 14 विजेतेपदे जिंकली. याशिवाय यूएस ओपनचे जेतेपद 4 वेळा आणि विम्बल्डन आणि ऑस्ट्रेलियन ओपनचे विजेतेपद प्रत्येकी 2 वेळा जिंकले. याशिवाय 2008 च्या ऑलिम्पिकमध्ये टेनिसमध्ये एकेरी प्रकारातही त्याने सुवर्णपदक जिंकले होते.
एकेरी ग्रँड स्लॅम विजेतेपदे जिंकलेले पुरुष खेळाडू-
नोव्हाक जोकोविच- 24
राफेल नदाल- 22
रॉजर फेडरर- 20
पीट सॅम्प्रास- 14
रॉय इमर्सन- 12
(The above story first appeared on LatestLY on Oct 10, 2024 05:11 PM IST. For more news and updates on politics, world, sports, entertainment and lifestyle, log on to our website latestly.com).
