Coronavirus Outbreak: साथीच्या आजारामुळे रिक्त स्टेडियममध्ये खेळवला जाणार ATK आणि Chennaiyin FC मधील ISL फाइनल सामना
भारतात आयोजित केली जाणारी फुटबॉल स्पर्धा इंडियन सुपर लीगचा अंतिम सामनाही साथीच्या या आजारामुळे रिक्त स्टेडियममध्ये आयोजित केला जाण्याचा निर्णय घेण्यात आला आहे. एटीकेआणि चेन्नईन एफसीत आयएसएल 2019-20 ची अंतिम लढत मार्गगाव मधील जवाहरलाल नेहरू स्टेडियममध्ये होईल.
कोरोनाव्हायरसचा (Coronavirus) प्रभाव क्रीडा क्षेत्रात मोठ्या प्रमाणात दिसत आहे. अनेक देशांमध्ये आयोजित केल्या जाणाऱ्या अनेक स्पर्धा रद्द करण्यात आल्या आहेत, तर काही रिक्त स्टेडियममध्ये खेळवण्यात येणार आहे म्हणजेच खेळा दरम्यान प्रेक्षकांना स्टेडियममध्ये येण्याची परवानगी नसेल. भारत-दक्षिण आफ्रिकामहिला मालिकेतील उर्वरित दोन सामने रिक्त स्टेडियममध्ये खेळवले जातील. दरम्यान, आता भारतात आयोजित केली जाणारी फुटबॉल स्पर्धा इंडियन सुपर लीगचा (Indian Super League) अंतिम सामनाही साथीच्या या आजारामुळे रिक्त स्टेडियममध्ये आयोजित केला जाण्याचा निर्णय घेण्यात आला आहे. एटीके (ATK) आणि चेन्नईन एफसी (Chennaiyin FC) यांच्यात आयएसएल (ISL) 2019-20 ची अंतिम लढत मार्गगाव मधील जवाहरलाल नेहरू स्टेडियममध्ये होईल. क्रीडा मंत्रालयाने सल्ला दिलेल्या प्रतिबंधात्मक उपायांमुळे लीग आयोजक फुटबॉल स्पोर्ट्स डेव्हलपमेंट लिमिटेड (FSDL) ने हंगामातील अंतिम फेरी रिक्त स्टेडियममध्ये घेण्याचा निर्णय घेतला आहे. (IND vs SA ODI 2020: भारत-दक्षिण आफ्रिका मालिकेतील उर्वरित दोन सामने रिक्त स्टेडियममध्ये होण्याची शक्यता, BCCI सूत्रांची माहिती)
खेळाडू, चाहते आणि सहाय्यक कर्मचार्‍यांचे आरोग्य आणि सुरक्षा लक्षात घेता हा निर्णय घेण्यात आल्याचे एफएसडीएलने म्हटले आहे. "आगामी हेरो इंडियन सुपर लीग 2019-20 ची अंतिम स्पर्धा शनिवार, 14 मार्च रोजी एटीके एफसी व चेन्नईन एफसी यांच्यात गोवाच्या जवाहरलाल नेहरू स्टेडियम, फोर्टोर्डा, गोवा येथे बंद दरवाजामागे होईल," आयएसएल आयोजकांनी दिलेल्या निवेदनात म्हटले आहे.
विजेतेपदाच्या हॅटट्रिकच्या शोधात असलेल्या एटीकेने गतविजेत्या बेंगळुरू एफसीला उपांत्य फेरीच्या सामन्यात 3-2 असे पराभूत करून या मोसमातील अंतिम फेरी गाठली. 2015 मध्ये जेतेपद जिंकलेल्या चेन्नईन एफसीने अंतिम फेरीत प्रवेश मिळविण्यासाठी एफसी गोव्याला 6-5 ने पराभूत केले.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)