Asia Cup 2025 Point Table: भारतीय संघाचा नेट रनरेट पाहून तुम्हीही थक्क व्हाल; ३ सामन्यानंतर अशी आहे गुणतालिका
पहिल्या तीन सामन्यानंतर ग्रुप-ए मध्ये टीम इंडिया तर ग्रुप-बी मध्ये अफगाणिस्तान आघाडीवर. जाणून घ्या संपूर्ण पॉइंट टेबल आणि इतर संघांची स्थिती.
Asia Cup 2025 Point Table: आशिया कप २०२५ ची सुरुवात ९ सप्टेंबर रोजी झाली असून, आतापर्यंत एकूण तीन सामने खेळले गेले आहेत. यजमान भारतीय संघाने ग्रुप-ए मध्ये यूएईविरुद्ध एकतर्फी विजय मिळवून आपल्या अभियानाची सुरुवात केली, तर ग्रुप-बी मध्ये अफगाणिस्तान आणि बांगलादेशच्या संघानेही आपले पहिले सामने जिंकले आहेत. आता सर्वांचे लक्ष पॉइंट्स टेबलवर लागले आहे, कारण दोन्ही गटांतून टॉप-२ मध्ये राहणाऱ्या संघांना सुपर-४ मध्ये प्रवेश मिळणार आहे. PAK vs Omam: दुबईमध्ये पाकिस्तानचा रेकॉर्ड खराब; ओमानविरुद्धच्या पहिल्या सामन्याआधी वाढली चिंता
ग्रुप-ए मध्ये टीम इंडिया टॉपवर, नेट रनरेटही सर्वोत्तम
सूर्यकुमार यादवच्या नेतृत्वाखालील टीम इंडियाने आशिया कप २०२५ मधील आपला पहिला सामना एकतर्फी ९ विकेट्सने जिंकला. भारतीय गोलंदाजांनी आधी यूएईच्या संघाला फक्त ५७ धावांवर रोखले आणि नंतर हे लक्ष्य ४.३ षटकांत सहज पूर्ण केले. या मोठ्या विजयामुळे भारतीय संघाला २ गुण मिळाले असून, त्यांचा नेट रनरेट १०.४८३ इतका दमदार आहे. सध्या टीम इंडिया ग्रुप-ए मध्ये पहिल्या क्रमांकावर आहे. या ग्रुपमध्ये यूएईचा संघ चौथ्या क्रमांकावर आहे, तर पाकिस्तान आणि ओमानने अजून एकही सामना खेळलेला नाही.
ग्रुप-बी च्या गुणतालिकेत अफगाणिस्तान पहिल्या स्थानावर
अफगाणिस्तानच्या संघाने आशिया कप २०२५ मध्ये आपला पहिला सामना हाँगकाँगला ९४ धावांनी हरवून शानदार सुरुवात केली. त्यामुळे ते २ गुणांसह ग्रुप-बी मध्ये पहिल्या क्रमांकावर आहेत. अफगाणिस्तानचा नेट रनरेट ४.७ आहे, जो स्पर्धेत पुढे खूप महत्त्वाचा ठरेल. दुसरीकडे, बांगलादेशनेही आपला पहिला सामना हाँगकाँगला ७ विकेट्सने हरवून २ गुण मिळवले आहेत, पण त्यांचा नेट रनरेट १.००१ आहे. तर, सुरुवातीचे दोन्ही सामने गमावल्यानंतर हाँगकाँगचा संघ ग्रुप-बी मध्ये चौथ्या क्रमांकावर आहे, तर श्रीलंकेने अजून एकही सामना खेळलेला नाही.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)