Wriddhiman Saha साठी राष्ट्रीय संघाचे दरवाजे बंद? श्रीलंका कसोटी मालिकेत स्थान मिळणार नसल्याने बंगाल रणजी संघातून बाहेर पडला

Bengal Ranji Trophy Squad 2022: अनुभवी यष्टिरक्षक-फलंदाज रिद्धिमान साहाने (Wriddhiman Saha) आगामी हंगामासाठी बंगालच्या रणजी संघातून (Bengal Ranji Squad) बाहेर पडण्याचा निर्णय घेतला आहे. असे समजले जात आहे की 37 वर्षीय खेळाडूला स्पष्टपणे सांगण्यात आले होते की 4 मार्चपासून सुरू होणार्‍या श्रीलंकेविरुद्ध (Sri Lanka) भारताच्या दोन सामन्यांच्या कसोटी मालिकेसाठी त्याची निवड केली जाणार नाही. उल्लेखनीय म्हणजे, रिषभ पंतच्या  (Rishabh Pant) उदयापासून साहाने काही मोजकेच कसोटी सामने खेळले आहेत. पंत हा संघ व्यवस्थापनाचा आवडता यष्टिरक्षक आहे आणि आंध्र प्रदेशच्या केएस भरतने (KS Bharat) न्यूझीलंडविरुद्ध कानपूर कसोटीत चमकदार कामगिरी केली होती. (Ranji Trophy 2022: फेब्रुवारीमध्ये सुरू होणाऱ्या रणजी ट्रॉफीसाठी बीसीसीआयने बनवले नवीन नियम, जाणून घ्या याविषयी अधिक)

या प्रकरणाशी परिचित असलेल्या बीसीसीआयच्या (BCCI) सूत्राने पीटीआयला सांगितले की, “संघ व्यवस्थापनातील प्रभावशाली लोकांनी रिद्धिमानला स्पष्टपणे सांगितले आहे की त्यांना पुढे जायचे आहे आणि त्यांना काही नवीन बॅकअप (रिषभ पंतसह) तयार करायचे आहे. ते म्हणाले, “श्रीलंका कसोटी मालिकेसाठी त्याची निवड केली जाणार नाही, असे रिद्धमानला समजावून सांगण्यात आले कारण केएस भारतला वरिष्ठ संघाचा अनुभव घेण्याची वेळ आली आहे,” “कदाचित हेच कारण असेल, पण रिद्धिमानने क्रिकेट असोसिएशन ऑफ बंगालचे अध्यक्ष अभिषेक दालमिया आणि सहसचिव स्नेहाशिष गांगुली यांना ‘वैयक्तिक कारणांमुळे’ या हंगामात रणजी करंडक खेळणार नसल्याचे कळवले आहे,” ते पुढे म्हणाले.

2015 मध्ये एमएस धोनीच्या कसोटी क्रिकेटमधून निवृत्तीनंतर बंगालचा क्रिकेटपटू सर्वात लांब फॉरमॅटमध्ये संघाचा पहिला-पसंतीचा विकेटकीपर बनला. त्याने विकेटच्या मागे अचूक कामगिरीने मोठ्या प्रमाणात प्रशंसा मिळविली, असली तरी बॅटने त्याच्या विसंगतीमुळे त्याच्यावर टीका देखील झाली. तसेच 2018 मध्ये पंतच्या पदार्पणानंतर त्याने काही कसोटी सामने खेळले. तथापि, गेल्या वर्षी ऑस्ट्रेलियामध्ये भारताचा 2-1 असा विजय झाल्यानंतर साहा पंतचा बॅकअप म्हणून संघासोबत प्रवास करत आहे. साहाने भारतासाठी 40 कसोटींमध्ये तीन शतकांसह एकूण 1353 धावा केल्या आहेत. या काळात त्याची सरासरी 30 पेक्षा कमी राहिली आहे. तथापि, त्याने विकेटच्या मागे 104 विकेट घेतले आहेत ज्यात 92 झेल आणि 12 स्टंपिंगचा समावेश आहे.