SRH vs RCB Head to Head: आज हैदराबाद आणि बंगळुरूची होणार टक्कर, जाणून घ्या कोण आहे वरचढ

सनरायझर्स हैदराबाद आणि रॉयल चॅलेंजर्स बंगलोर (SRH vs RCB) यांच्यात आज (18 मे) IPL 2023 च्या 65व्या लीग सामन्यात सामना होत आहे. हैदराबादच्या राजीव गांधी इंटरनॅशनल स्टेडियमवर (Rajiv Gandhi International Stadium) संध्याकाळी साडेसात वाजल्यापासून हा सामना रंगणार आहे. या मोसमातील दोन्ही संघांचा हा पहिलाच सामना आहे. आरसीबीला प्लेऑफच्या शर्यतीत टिकून राहण्यासाठी हा सामना खूप महत्त्वाचा आहे. अशा परिस्थितीत आरसीबीला हा सामना कोणत्याही परिस्थितीत जिंकायचा आहे. त्याचवेळी सनरायझर्स प्लेऑफच्या शर्यतीतून बाहेर पडला आहे. या दोघांमध्ये आतापर्यंत किती सामने खेळले गेले आहेत आणि त्यात कोणाचा वरचष्मा आहे हे जाणून घेऊया. (हे देखील वाचा: SRH vs RCB, IPL 2023 Match 65 Live Streaming: आज हैदराबाद आणि बंगळुरू यांच्यात होणार हाय व्होल्टेज सामना, जाणून घ्या कधी आणि कुठे पाहणार लाईव्ह)

 हैदराबाद आणि बंगलोर  हेड टू हेड

आयपीएल 2023 चा 65 वा सामना हैदराबादच्या राजीव गांधी आंतरराष्ट्रीय स्टेडियमवर सनरायझर्स हैदराबाद आणि रॉयल चॅलेंजर्स बंगलोर यांच्यात होणार आहे. हेड-टू-हेड रेकॉर्डमध्ये, बंगळुरूविरुद्ध सनरायझर्स हैदराबादचे पारडे जड दिसत आहे. दोन्ही संघांमध्ये आतापर्यंत 22 सामने खेळले गेले आहेत, त्यापैकी सनरायझर्स हैदराबादने 12 सामने जिंकले आहेत आणि आरसीबीने 9 सामने जिंकले आहेत. त्याच वेळी, दोन्ही संघ राजीव गांधी स्टेडियमवर 7 वेळा आमनेसामने आले आहेत, जिथे हैदराबादने 6 सामने जिंकले आहेत आणि आरसीबी फक्त 1 जिंकला आहे. बेंगळुरूने 2015 साली या मैदानावर शेवटचा सामना जिंकला होता. अशा परिस्थितीत आरसीबी हैदराबादला त्यांच्या घरच्या मैदानावर पराभूत करू शकते की नाही हे पाहणे आज उत्सुकतेचे ठरणार आहे.

दोन्ही संघांची संभाव्य प्लेइंग इलेव्हन

सनरायझर्स हैदराबाद: अनमोलप्रीत सिंग, अभिषेक शर्मा, राहुल त्रिपाठी, एडन मार्कराम (कर्णधार), हेनरिक क्लासेन, ग्लेन फिलिप्स/हॅरी ब्रूक, अब्दुल समद, भुवनेश्वर कुमार, टी नटराजन, मयंक मार्कंडे, फजलहक फारुकी/मार्को जॉन्सन.

रॉयल चॅलेंजर्स बंगळुरू: विराट कोहली, फाफ डू प्लेसिस (कर्णधार), ग्लेन मॅक्सवेल, महिपाल लोमरोर, दिनेश कार्तिक (विकेटकीपर), मायकेल ब्रेसवेल, अनुज रावत, वेन पारनेल, कर्ण शर्मा, हर्षल पटेल, मोहम्मद सिराज.