IND vs WI T20 Series 2023: टी-20 मालिकेत 'या' खेळाडूंना मिळू शकते संधी, भारताचा 15 सदस्यीय संघ असा असू शकतो
टीम इंडिया आगामी दौऱ्यात एकूण 10 सामने खेळणार आहे. ज्यामध्ये 2 सामन्यांची कसोटी मालिका, 3 सामन्यांची एकदिवसीय मालिका आणि 5 सामन्यांची T20 आंतरराष्ट्रीय मालिका (T20I Series) खेळली जाईल.
टीम इंडिया 12 जुलैपासून वेस्ट इंडिज दौऱ्याला सुरुवात करणार आहे. 3 जुलै रोजी टीम इंडियाचे खेळाडू दौऱ्यासाठी रवाना होतील. टीम इंडिया आगामी दौऱ्यात एकूण 10 सामने खेळणार आहे. ज्यामध्ये 2 सामन्यांची कसोटी मालिका, 3 सामन्यांची एकदिवसीय मालिका आणि 5 सामन्यांची T20 आंतरराष्ट्रीय मालिका (T20I Series) खेळली जाईल. कसोटी आणि एकदिवसीय मालिकेसाठी टीम इंडियाची घोषणा करण्यात आली असून आता लवकरच टी-20 मालिकेसाठी टीम इंडियाची निवड होणार आहे. (हे देखील वाचा: World Cup 1983: भारताच्या 1983 विश्वचषक विजेत्या संघाने 40 वा वर्धापन दिन 35,000 फूट एअर-वॉचमध्ये केला साजरा (Watch Video)
यशस्वी जैस्वाल आणि रिंकू सिंगला मिळू शकते संधी
वेस्ट इंडिजविरुद्धच्या टी-20 मालिकेत टीम इंडिया 15 सदस्यीय संघात तीन सलामीवीरांना संधी देऊ शकते. या यादीत शुभमन गिल, यष्टिरक्षक फलंदाज इशान किशन आणि यशस्वी जैस्वाल यांचा समावेश आहे. याशिवाय स्फोटक फलंदाज रिंकू सिंग आणि जितेश शर्मा या युवा खेळाडूंनाही मधल्या फळीत संधी मिळू शकते.
हार्दिक पांड्या कर्णधार तर सूर्यकुमार यादव उपकर्णधार असू शकतो
टीम इंडियाचा अनुभवी अष्टपैलू खेळाडू हार्दिक पांड्या टी-20 मालिकेत टीम इंडियाची कमान सांभाळू शकतो. गेल्या अनेक टी-20 मालिकांमध्ये हार्दिक पांड्याकडे संघाचे कर्णधारपद मिळाले. अशा परिस्थितीत हार्दिक पांड्याकडे टी-20 फॉरमॅटचा भावी कर्णधार म्हणून पाहिले जात आहे. त्याचबरोबर सूर्यकुमार यादवला उपकर्णधार बनवले जाऊ शकते. अनुभवी भुवनेश्वर कुमार, युवा उमरान मलिक आणि अर्शदीप सिंग यांना वेगवान गोलंदाजीत संधी मिळू शकते. त्याचबरोबर कुलदीप यादव, युझवेंद्र चहल आणि अक्षर पटेल यांचा फिरकीपटूंमध्ये समावेश केला जाऊ शकतो.
टी-20 मालिकेसाठी भारताचा संभाव्य 15 सदस्यीय संघ: शुभमन गिल, इशान किशन (विकेटकीपर), हार्दिक पांड्या (कर्णधार), सूर्यकुमार यादव (विकेटकीपर), शिवम दुबे, यशस्वी जैस्वाल, रिंकू सिंग, तिलक वर्मा, जितेश शर्मा (विकेटकीपर), कुलदीप यादव, युझवेंद्र चहल, अक्षर पटेल, भुवनेश्वर कुमार, अर्शदीप सिंग आणि उमरान मलिक.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)