IND vs AUS 2nd Test 2023: दिल्ली कसोटीसाठी टीम इंडियात होऊ शकतात मोठे बदल, भारत या दिग्गजांसह उतरू शकतो मैदानात
आता टीम इंडियाचा दिग्गज फलंदाज श्रेयस अय्यर दिल्ली कसोटीत परतल्यानंतर संघाच्या प्लेईंग इलेव्हनमध्ये बदल निश्चित असल्याचे मानले जात आहे. नागपुरात खेळल्या गेलेल्या पहिल्या कसोटी सामन्यात श्रेयस अय्यर पूर्णपणे तंदुरुस्त नसल्यामुळे खेळू शकला नाही.
नागपूर कसोटी एकतर्फी डाव आणि 132 धावांनी जिंकल्यानंतर टीम इंडियाची (Team India) नजर आता दिल्लीत खेळल्या जाणाऱ्या बॉर्डर-गावस्कर ट्रॉफीच्या दुसऱ्या सामन्याकडे (IND vs AUS 2nd Test) आहे. पहिल्या कसोटी सामन्यात भारतीय संघातील 2 खेळाडूंना पदार्पणाची संधी मिळाली, ज्यामध्ये यष्टीरक्षक केएस भरत आणि मधल्या फळीतील फलंदाज सूर्यकुमार यादव यांचा समावेश आहे. आता टीम इंडियाचा दिग्गज फलंदाज श्रेयस अय्यर दिल्ली कसोटीत परतल्यानंतर संघाच्या प्लेईंग इलेव्हनमध्ये बदल निश्चित असल्याचे मानले जात आहे. नागपुरात खेळल्या गेलेल्या पहिल्या कसोटी सामन्यात श्रेयस अय्यर पूर्णपणे तंदुरुस्त नसल्यामुळे खेळू शकला नाही. आता तो दिल्ली कसोटीसाठी संघात सामील झाला असून त्याने आपला फिटनेसही सिद्ध केला आहे.
दुसरीकडे, टीम इंडियाचे मुख्य प्रशिक्षक राहुल द्रविड यांनीही श्रेयस अय्यर खेळण्यासाठी उपलब्ध असेल तर तो थेट प्लेइंग इलेव्हनचा भाग असेल, असे त्यांच्या वक्तव्यावरून स्पष्ट केले आहे. अशा स्थितीत कसोटी पदार्पण करणाऱ्या सूर्यकुमार यादवला संघातून वगळले जाऊ शकते. (हे देखील वाचा: IND vs AUS 2nd Test 2023: आर अश्विनकडे दुसऱ्या कसोटीत इतिहास रचण्याची सुवर्णसंधी, अनिल कुंबळेचा 'हा' खास विक्रम मोडू शकतो)
2021 मध्ये, न्यूझीलंडविरुद्धच्या घरच्या कसोटी मालिकेदरम्यान, श्रेयस अय्यरने कसोटी क्रिकेटमध्ये पदार्पण केले. या संधीचा फायदा घेत श्रेयस अय्यरने पहिल्याच कसोटी सामन्यात शतक झळकावले. यानंतर श्रेयस अय्यरने एकूण 7 कसोटी सामने खेळले असून त्यात त्याने 56.73 च्या सरासरीने 624 धावा केल्या आहेत. यादरम्यान त्याने आपल्या बॅटने 1 शतक तर 5 अर्धशतकांची खेळी केली आहे.
टीम इंडियाची संभाव्य प्लेइंग इलेव्हन
रोहित शर्मा (कर्णधार), लोकेश राहुल, चेतेश्वर पुजारा, विराट कोहली, श्रेयस अय्यर, केएस भरत (यष्टीरक्षक), रविचंद्रन अश्विन, रवींद्र जडेजा, अक्षर पटेल, मोहम्मद शमी, मोहम्मद सिराज.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)