SL vs PAK 1st Test 2023: घरच्या मैदानावर झालेल्या दारूण पराभवामुळे श्रीलंकेचा कर्णधार दु:खी, 'या' खेळाडूंवर काढला राग

श्रीलंका आणि पाकिस्तान (SL vs PAK) यांच्यात गॅले येथे खेळल्या गेलेल्या पहिल्या कसोटीत पाकिस्तानने यजमान श्रीलंकेचा 4 विकेट्सने पराभव केला. या पराभवामुळे श्रीलंकेचा कर्णधार दिमुथ करुणारत्ने दु:खी झाला आहे. घरच्या मैदानावरील पराभवासाठी त्याने फलंदाजांना जबाबदार धरले. वरच्या फळीतील फलंदाजांनी अधिक योगदान द्यायला हवे होते, असे करुणारत्नेने स्पष्टपणे सांगितले. पाकिस्तानच्या हातून 4 विकेटने झालेल्या पराभवानंतर करुणारत्नेने आपल्या वक्तव्यात म्हटले आहे की, 'आम्ही एकदा नाणेफेक जिंकल्यानंतर आम्हाला माहित होते की त्यांचे वेगवान गोलंदाज कसे आहेत. आम्ही लवकर विकेट गमावल्या, आघाडीच्या फळीतील फलंदाज म्हणून आम्ही अधिक योगदान दिले पाहिजे.

गोलंदाजांचे आणि डी सिल्वाचे केले कौतुक 

करुणारत्नेने गोलंदाजी विभागाचे कौतुक केले. तो म्हणाला की आम्ही तुकड्यांमध्ये खूप चांगली गोलंदाजी केली, कधी कधी आम्ही धावा काढून घेतल्या. एक गट म्हणून आपल्याला कोणत्या क्षेत्रात सुधारणा करायची आहे आणि अधिक मेहनत करायची आहे, याचा विचार करायला हवा. (धनंजय डी सिल्वावर) तो जबाबदारी घेतो आणि संघाला जे आवश्यक आहे ते नेहमीच करतो. इतरांनी पुढे येऊन चांगले काम करण्याची गरज आहे. (हे देखील वाचा: Asia Cup 2023: पाकिस्तानच्या माजी खेळाडूने भारताविरुद्ध ओकली गरळ! म्हणाला, 'आम्ही भारताला कुठेही हारवु शकतो')

सामन्याची स्थिती

सामन्याबद्दल बोलायचे झाले तर श्रीलंकेने पहिल्या डावात 312 धावा केल्या होत्या. सलामीवीर निसान मदुशंकाने 4 तर स्वतः कर्णधार करुणारत्नेने 29 धावा केल्या. कुसल मेंडिस तिसऱ्या क्रमांकावर 12 धावा करून बाद झाला. पहिल्या डावातील 312 धावांच्या प्रत्युत्तरात पाकिस्तानने सौद शकीलच्या द्विशतकाच्या जोरावर 461 धावा केल्या होत्या. त्यानंतर दुसऱ्या डावात श्रीलंकेचा डाव 279 धावांवर आटोपला. या सामन्यात पाकिस्तानला 131 धावांचे लक्ष्य मिळाले होते, जे पाहुण्या संघाने दुसऱ्या डावात 6 गडी गमावून पूर्ण केले.