South Africa Beat Ireland, 1st T20I Scorecard: पहिल्या टी-20 सामन्यात दक्षिण आफ्रिकेने आयर्लंडचा दोन गडी राखून केला पराभव, रायन रिकेल्टनची दमदार खेळी; येथे वाचा स्कोअरकार्ड
SA vs IRE: पहिल्या टी-20 सामन्यात दक्षिण आफ्रिका संघाने आयर्लंडचा आठ विकेट्सने पराभव केला आहे. यासह दक्षिण आफ्रिकेच्या संघाने मालिकेत 1-0 अशी आघाडी घेतली आहे.
South Africa National Cricket Team vs Ireland National Cricket Team 1st T20I Match Scorecard: आयर्लंड राष्ट्रीय क्रिकेट संघ (Ireland National Cricket Team) विरुद्ध दक्षिण आफ्रिका राष्ट्रीय क्रिकेट संघ (South Africa National Cricket Team) यांच्यातील दोन सामन्यांच्या टी-20 आंतरराष्ट्रीय मालिकेतील पहिला टी-20 सामना 27 सप्टेंबर रोजी अबुधाबीच्या शेख झायेद स्टेडियमवर (Sheikh Zayed Stadium) खेळला गेला. या सामन्यात दक्षिण आफ्रिका संघाने आयर्लंडचा आठ विकेट्सने पराभव केला आहे. यासह दक्षिण आफ्रिकेच्या संघाने मालिकेत 1-0 अशी आघाडी घेतली आहे. मालिकेतील दुसरा सामना 29 सप्टेंबर रोजी होणार आहे. हा सामना अबुधाबीच्या झायेद क्रिकेट स्टेडियमवरही होणार आहे.
दक्षिण आफ्रिकेसमोर ठेवले 171 धावांचे लक्ष्य
अबुधाबी येथे खेळल्या जात असलेल्या पहिल्या टी-20 सामन्यात दक्षिण आफ्रिकेचा कर्णधार एडन मार्करामने नाणेफेक जिंकून प्रथम गोलंदाजी करण्याचा निर्णय घेतला. नाणेफेक गमावल्यानंतर प्रथम फलंदाजीला आलेल्या आयरिश संघाची सुरुवात चांगली झाली नाही आणि अवघ्या 26 धावांवर संघाचे दोन्ही सलामीवीर पॅव्हेलियनमध्ये परतले. आयरिश संघाने निर्धारित 20 षटकांत आठ गडी गमावून 171 धावा केल्या आहेत. आयर्लंडकडून कर्टिस कॅम्फरने सर्वाधिक 49 धावांची खेळी खेळली. या खेळीदरम्यान कर्टिस कॅम्फरने 36 चेंडूत एक षटकार आणि सहा चौकार लगावले. कर्टिस कॅम्फरशिवाय नील रॉकने 37 धावा केल्या.
ओटनील बार्टमनने दक्षिण आफ्रिकेच्या संघाला पहिले यश मिळवून दिले. दक्षिण आफ्रिकेकडून पॅट्रिक क्रुगरने सर्वाधिक चार बळी घेतले. पॅट्रिक क्रुगरशिवाय नाकाबा पीटर, विआन मुल्डर, ओटनील बार्टमन आणि ब्योर्न फॉर्च्युइन यांनी प्रत्येकी एक विकेट घेतली. हा सामना जिंकण्यासाठी दक्षिण आफ्रिकेला 20 षटकात 172 धावा करायच्या होत्या. (हे देखील वाचा: Dwayne Bravo KKR Mentor IPL 2025: निवृत्तीनंतर ड्वेन ब्राव्होने घेतली गौतम गंभीरची जागा, केकेआरमध्ये मिळाली मोठी जबाबदारी)
दोन गडी गमावून गाठले लक्ष्य
लक्ष्याचा पाठलाग करण्यासाठी आलेल्या दक्षिण आफ्रिकेच्या संघाची सुरुवात चांगली झाली आणि पहिल्या विकेटसाठी रायन रिकेल्टन आणि रीझा हेंड्रिक्स यांनी शानदार फलंदाजी करत पहिल्या विकेटसाठी 136 धावांची मजल मारली. दक्षिण आफ्रिकेच्या संघाने 17.4 षटकांत दोन गडी गमावून लक्ष्य गाठले.
रायन रिकेल्टनची दमदार खेळी
दक्षिण आफ्रिकेकडून रायन रिकेल्टनने सर्वाधिक 76 धावांची खेळी खेळली. आपल्या स्फोटक खेळीदरम्यान रायन रिकेल्टनने 48 चेंडूत सहा षटकार आणि तीन चौकार लगावले. रायन रिकेल्टनशिवाय रीझा हेंड्रिक्सने 51 धावा केल्या. आयर्लंडकडून क्रेग यंग आणि मार्क एडेअर यांनी प्रत्येकी एक विकेट घेतली. मालिकेतील दुसरा आणि शेवटचा सामना 29 सप्टेंबर रोजी अबुधाबीच्या शेख झायेद स्टेडियमवर रात्री 9 वाजता खेळवला जाईल.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)