SA Beat ENG Champions Trophy 2025 11th Match Scorecard: दक्षिण आफ्रिकेचा शानदार विजयासह उंपात्य फेरीत धडक, इंग्लंडचा वाईट पराभवासह चॅम्पियन्स ट्रॉफीला निरोप
इंग्लंडला पुन्हा एकदा पराभवाचा सामना करावा लागला आहे. यावेळी दक्षिण आफ्रिकेने इंग्लंडचा सात विकेट्सने पराभव केला. अशाप्रकारे, 2025 च्या चॅम्पियन्स ट्रॉफीमध्ये इंग्लंडला विजयाचे खाते उघडता आले नाही.
South Africa National Cricket Team vs England National Cricket Team: चॅम्पियन्स ट्रॉफी 2025चा 11 वा सामना आज दक्षिण आफ्रिका राष्ट्रीय क्रिकेट संघ विरुद्ध इंग्लंड राष्ट्रीय क्रिकेट संघ यांच्यात कराचीतील राष्ट्रीय स्टेडियमवर सामना खेळला गेला. या सामन्यात इंग्लंडला पुन्हा एकदा पराभवाचा सामना करावा लागला आहे. यावेळी दक्षिण आफ्रिकेने इंग्लंडचा सात विकेट्सने पराभव केला. अशाप्रकारे, 2025 च्या चॅम्पियन्स ट्रॉफीमध्ये इंग्लंडला विजयाचे खाते उघडता आले नाही. स्पर्धेतील शेवटच्या साखळी सामन्यात, इंग्लंड संघ प्रथम खेळल्यानंतर केवळ 179 धावा करू शकला. दक्षिण आफ्रिकेने हे छोटे लक्ष्य 29.1 षटकांत फक्त तीन गडी गमावून सहज गाठले. या शानदार विजयासह, दक्षिण आफ्रिकेने ग्रुप बी मध्ये पहिले स्थान मिळवले आहे. (हे देखील वाचा: IND vs NZ Champions Trophy 2025 Weather Update: भारत-न्यूझीलंड सामना पावसामुळे जाणार वाहून? जाणून घ्या कसे असेल दुबईचे हवामान)
त्याआधी, नाणेफेक जिंकल्यानंतर इंग्लंड प्रथम फलंदाजी करताना संपूर्ण इंग्लंड संघ 38.2 षटकांत फक्त 179 धावांवर आटोपला. इंग्लंडकडून स्टार फलंदाज जो रूटने सर्वाधिक 37 धावांची खेळी केली. या खेळीदरम्यान, जो रूटने 44 चेंडूत चार चौकार आणि एक षटकार मारला. जो रूट व्यतिरिक्त, अनुभवी वेगवान गोलंदाज जोफ्रा आर्चरने 25 धावा केल्या. दक्षिण आफ्रिकेकडून मार्को जॉन्सन आणि विआन मुल्डर यांनी प्रत्येकी सर्वाधिक तीन विकेट्स घेतल्या. मार्को जॉन्सन आणि वियान मुल्डर व्यतिरिक्त केशव महाराजने दोन विकेट घेतल्या.
लक्ष्याचा पाठलाग करताना दक्षिण आफ्रिकेची सुरुवातही निराशाजनक होती आणि संघाला पहिला मोठा धक्का फक्त 11 धावांवर सहन करावा लागला. दक्षिण आफ्रिकेच्या संघाने 29.1 षटकांत फक्त तीन गडी गमावून लक्ष्य गाठले. दक्षिण आफ्रिकेसाठी रॅसी व्हॅन डर ड्यूसेनने नाबाद 72 धावांची सर्वोत्तम खेळी खेळली. या शानदार खेळीदरम्यान, रॅसी व्हॅन डर ड्यूसेनने 87 चेंडूत सहा चौकार आणि तीन षटकार मारले. याशिवाय हेनरिक क्लासेनने 64 धावा केल्या. त्याच वेळी, घातक वेगवान गोलंदाज जोफ्रा आर्चरने इंग्लंड संघाला पहिले मोठे यश मिळवून दिले. इंग्लंडकडून जोफ्रा आर्चरने सर्वाधिक दोन विकेट घेतल्या. जोफ्रा आर्चर व्यतिरिक्त आदिल रशीदने एक विकेट घेतली.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)